Infinix şirkəti rekord göstəricidə yüksək sürətli şarj texnologiyasını təqdim edib. Söhbət, 260 vatt gücündə olan All-Round FastCharge adlı yüksək sürətli şarj texnologiyasından gedir. Bununla belə sözügedən texnologiya həmçinin 110 vatt gücündə sürətli naqilsiz şarjı da təqdim edir. Infinix şirkəti smartfonun bu texnologiya vasitəsilə şarj müddətinin statistikasını təqdim edib və bu cür yüksək sürətli şarj rejimi çərçivəsində smartfon batareyasının çalışma müddətini açıqlayıb.

Bənzər xəbər

Huawei şirkəti öz videokartlarını istehsal edəcək

    Məlumatda qeyd edilib ki, All-Round FastCharge texnologiyasının əsasını Infinix şirkətinin 180 vatt gücündə olan digər yüksək sürətli şarj texnologiyası Thunder Charge təşkil edir. Şirkət bildirib ki, 4400 mAh enerji tutumlu batareya bu yeni yüksək sürətli şarj texnologiyası vasitəsilə 100% enerjini 8 dəqiqəyə, 25% enerjini isə 1 dəqiqəyə yığır. Bununla belə 1000 dövr şarj prosesindən sonra smartfon batareyası öz həcminin yalnız 10%-ni itirir. Məlumatda qeyd edilib ki, All-Round FastCharge adlı yeni yüksək sürətl şarj texnologiyasını əldə edəcək ilk smartfon bu il təqdim ediləcək Infinix Note olacaq.