Intel Core Ultra 7 1002H prosessoru barəsində məlumatlar verilib

    Dünən məlumat ortaya çıxmışdı ki, Intel saytında şirkətin 14-cü nəslinə aid olan yeni Core Ultra 7 1002H prosessorunun adı aşkar edilib. Bununla da şirkətin Meteor Lake seriyasından başlayaraq öz yeni prosessorlarını Core i əvəzinə Core Ultra adlandıracağı bir daha təsdiqləndi. İndi isə insayderlər Core Ultra 7 1002H prosessoru barəsində bəzi məlumatları təqdim ediblər.

    Beləliklə onların sözlərinə əsasən Core Ultra 7 1002H prosessoru 6 ədəd yüksək performanslı nüvə, 8 ədəd enerji effektivliyi nüvəsi və prosessorun öz ehtiyacları üçün nəzərdə tutulmuş ayrıca 2 ədəd nüvə ilə təchiz olunacaq. Ümumilikdə prosessor 16 nüvəyə sahib olacaq. CPU-nun standart çalışma tezliyi 3.0 GHz, TDP (Thermal Design Power) isə 28 vatt təşkil edəcək. Intel artıq məlumat verib ki, Meteor Lake seriyasının yeni prosessorları bu ilin ikinci yarısında təqdim ediləcək.