ABŞ-da süni intellekt əsaslı pilotsuz qırıcı aparat təqdim olunub

     ABŞ-ın Shield AI şirkəti süni intellektə əsaslanan proqram təminatından istifadə edən və əlaqənin pisləşdiyi və ya ümumiyyətlə olmadığı şəraitdə işləyə bilən avtonom qırıcı uçuş aparatı - X-BAT-ı təqdim edib. Bu barədə şirkət özünün press-relizində məlumat verib. Press-relizdə iddia olunur ki, onların tərtibatı aviasiyada inqilabdır. X-BAT-ın 4 əsas üstünlüyü var: şaquli uçuşa qalxma və enişi dəstəkləmək (VTOL), böyük uçuş məsafəsi (3.7 min kilometrdən artıq), çoxfunksiyalı potensial və avtonomiya. VTOL dəstəyi o deməkdir ki, pilotsuz qırıcının işə salınması üçün eniş-qalxış zolağı tələb olunmur.

     X-BAT həm döyüş qrupunun tərkibində - yəni birgə döyüş təyyarəsi (CCA) kimi - həm də müstəqil döyüş vahidi kimi istifadə oluna bilər. Pilotsuz qırıcı hücumlar həyata keçirə, hava məkanını qoruyub-saxlaya, radioelektron avadanlığı sıradan çıxara (jamming) və eləcə də kəşfiyyat, müşahidə və kəşfiyyat-tədqiqat əməliyyatları həyata keçirə bilər. Shield AI bildirir ki, X-BAT əlçatan təyyarədir və beşinci nəsil qırıcılara nisbətən xeyli aşağı xərclə qırıcı xüsusiyyətlərinə malikdir. Bundan əlavə, təyyarənin açıq memarlığı var ki, bu da ona gələcək hava və dəniz hərbi qüvvələrinin konsepsiyaları üçün platforma olmağa imkan verəcək.