Bu məsələ ilə bağlı ABŞ senatında iki sual yaranıb. “Apple”, xüsusi xidmət orqanlarına insanların üz skanlarını ötürəcək mi? Və ya şirkət özünün müxtəlif məqsədləri üçün həmin məlumatları yığacaq mı? ABŞ senatoru Al Franken, Tim Cook-a, özünü narahat edən sualları birləşdirən məktub göndərib. Onun bir sıra sualları, iPhone X-in prezentasiyasından sonra xəbər agentlikləri tərəfindən səsləndirilmişdi. “Apple” bildirəndəki Face ID-nin səhv etməsi ehtimalı milyonda birə bərabərdir, kibertəhlükəsizlik üzrə mütəxəssislər, şirkəti tənqid etməyə başladılar. Al Franken bilmək istəyir ki, bu texnologiyanın yaradıcıları hansı əsasa görə bu cür ehtimalı qeyd ediblər və texnologiyanın hack olunmasının qarşısını almaq üçün hansı tədbirləri görüblər. Məlumata əsasən şirkət bu alqoritm üçün milyard sayda foto misalı ilə təlim keçib.

Franken-in birinci sualı ondan ibarətdir ki, şirkət həmin fotoları hardan götürüb. Senator qorxur ki, şirkət bu alqoritmi öz məqsədləri üçün istifadə edərək insanların üz skanlarını digər şirkətlərə və dövlət orqanlarına satacaq. iPhone X-in təqdimatı zamanı şirkətin marketinq üzrə vitse-prezidenti Phil Schiller, qeyd etmişdi ki, iPhone X-də olacaq bütün biometrik məlumatlar, smartfonun prosessoru vasitəsilə cihazın özündə emal olunacaq və heç bir bulud servisə yönləndirilməyəcək. Lakin senator əmin olmaq istəyir ki, şirkət, gələcəkdə də bu qayda üzrə hərəkət edəcək və insanların məlumatlarını özündə saxlamayacaq. Franken həmçinin bilmək istəyir ki, şirkət uzaqdan, istifadəçinin smartfonuna daxil olaraq ordakı biometrik məlumatları götürmək imkanına sahibdir yoxsa yox. Bununla yanaşı senatoru maraqlandıran daha bir məsələ isə ondan ibarətdir ki, əgər polislər və digər xidmət orqanları, şirkətdən hansısa istifadəçinin məlumatlarını əldə etmək istəsələr, onda şirkət buna necə reaksiya verəcək?