Acer şirkəti özünün monitorlar seriyasını yeni model ilə genişləndirib. Belə ki, şirkət Acer XZ342CU S3 adlı yeni monitorunu təqdim edib. Sözügedən yeni monitor 180 Hz-lik təsvir yenilənməsinə sahib 3440x1440 piksel keyfiyyətli 34 düym VA ekranla təchiz olunub və ekranın özü əyilmiş dizaynda reallaşdırılıb. Ekranın maksimal parlaqlıq səviyyəsi 400 nit təşkil edir və o, AMD FreeSync texnologiyasını dəstəkləyir. Acer XZ342CU S3 özündə HDMI 2.0 və DisplayPort 1.4 girişlərini birləşdirir. Sözügedən monitor artıq satışa çıxıb və 329$ qiymətində satılır.