Acer Nitro XV272URV adlı gaming monitoru təqdim edilib - QİYMƏTİ

    Acer şirkəti Nitro XV272URV adlı yeni gaming monitorunu təqdim edib. Sözügedən yeni gaming monitoru yüksək təsvir yenilənməsinə sahib yastı ekranı ilə seçilir. Beləliklə Acer Nitro XV272URV monitoru 144 Hz-lik təsvir yenilənməsinə sahib Quad HD+ keyfiyyətli 27 düym IPS ekran ilə təchiz olunub. İstifadəçi öz istəyinə uyğun olaraq ekranın təsvir yenilənməsini 170 Hz-ə yüksəldə bilər. Ekranın maksimal parlaqlıq səviyyəsi 400 nit təşkil edir və onun piksel sıxlığı 109 ppi-dır. Ekran həmçinin DCI-P3 rəng diapazonunun 95%-ni əhatə edir. Monitor həmçinin özündə stereo səsgücləndiriciləri, naqilli qulaqlıqlar üçün nəzərdə tutulmuş 3.5 mm-lik audiogirişi, DisplayPort və HDMI girişlərini birləşdirir. Acer Nitro XV272URV artıq Avropa bazarında satışa çıxıb və 400 avro qiymətində satılır.