Artıq bir neçə ildir ki, "Reddit” portalının istifadəçisi çox maraqlı və qəribə işlə məşqul olur.

O hər dəfə sübut edir ki, istənilən adi fotonu incəsənət nümunəsinə və ya hansısa filmin posterinə çevirmək olar. Bütün dünyadan olan istifadəçilər Your Post As A Movie adlı anonim istifadəçiyə müxtəlif fotolar göndərirlər. Anonim istifadəçi isə öz növbəsində həmin fotoları müxtəlif film posterlərinə çevirir. O uydurulmuş filmlərin adlarından və şüarlarından başqa həmçinin həmin filmlərə aktyorları da seçir. Onun işinin pərəstişkarı olan istifadəçilər qeyd edirlər ki, Hollivud bu istifadəçinin qeyri-adi bacarığından istifadə etməlidir.