İlk dəfə uçan taksi layihəsini “Airbus” hələ 2016-cı ildə anons etmişdi. Bu uçan taksi bir nəfər üçün nəzərdə tutulub və onun vintləri uçuş zamanı yerlərini dəyişirlər. Şirkətin planına əsasən Vahana tamamilə elektrikli olacaq və avtopilot sisteminə sahib olacaq. Uçan taksi üçün eniş sahələrinin böyük şəhər binalarının damında yerləşəcəyi güman olunur.

Şirkət bildirib ki, təqdim olunmuş fotolarda uçan taksinin sadəcə olaraq prototipi əks olunub və o hətta tam ölçüdə deyil. Vahana-nın ilk test uçuşlarının bu ilin sonuna kimi keçirilməsi planlaşdırılır. Uçan taksinin final versiyasının isə 2020-ci ildə təqdim olunacağı gözlənilir. Qeyd etmək laızmdır ki, hal hazırda uçan taksi üzrə dünyanın 19 şirkəti məşğul olur.