Alimlər: 'Bitcoini kvant kompüterlər vasitəsilə hack etmək mümkündür'

Alimlər: 'Bitcoini kvant kompüterlər vasitəsilə hack etmək mümkündür'

Texnologiya
28.01.2022 PAYLAŞIM

    Böyük Britaniyanın Sasseks Unversitetinin alimləri yeni tədqiqatlarının nəticələrini təqdim ediblər. Alimlər aparılmış tədqiqat çərçivəsində bitcoinin hack (bitcoin açarının) edilməsi üçün hansı kvant kompüterinin lazım olduğunu təyin etməyə çalışıblar. Məlum olub ki, bitcoini hack etmək üçün mövcud olan kvant kompüterlərindən milyon dəfə daha irimiqyaslı kompüter lazımdır. Bitcoin şəbəkəsinin təhlükəsizliyi SHA-256 adlı kriptoqrafik alqoritm vasitəsilə təmin edilir. Sözügedən alqoritm ABŞ Milli Təhlükəsizlik Agentliyi tərəfindən yaradılıb. Bu qorunma üsulu çox sadə ideyaya əsaslanır. İdeya isə ondan ibarətdir ki, müasir kompüterlər həmin alqoritmi tez bir zamanda hack edə bilməzlər.

    Buna görə də bu məsələdə kvant kompüterlərii daha çox şansa sahibdirlər. Sasseks Universitetinin alimləri bitcoinin hack edilməsi üçün hansı sayda kubitin (kvant kompüterində ən kiçik informasiya vahidi) lazım olduğunu təyin etməyə çalışıblar. Bitcoinin hər bir tranzaksiyası şəbəkədə olan maynerlər tərəfindən təsdiqlənir. Təsdiqdən sonra isə tranzaksiya blockchain-ə (rəqəmsal aktivlərin mülkiyyət reyestri) əlavə edilir. Təsdiq prosesi zamanı hər bir tranzaksiyaya kriptoqrafik açar təyin edilir. Məhz həmin kriptoqrafik açarın hack edilməsi sayəsində bu və ya digər hacker müəyyən sayda bitcoinə sahib ola bilər.


    Alimlərin hesablamalarına əsasən bitcoin açarının 10 dəqiqəyə hack edilməsi üçün 1.9 milyard kubitə sahib kvant kompüteri lazım olardı. Hack prosesinin 1 saata reallaşdırılması üçün 317 milyon kubitli, 1 sutkaya reallaşdırılması üçün isə 13 milyon kubitli kvant kompüteri lazımdır. Beləliklə bitcoin sahibləri hələ ki, ciddi narahatçılıq keçirtməyə bilərlər. Keçən  ilin noyabr ayında IBM şirkəti 127 kubitə sahib Eagle adlı kvant kompüterini yaratdığını elan etmişdi. Almaniyada isə 5000 kubitə sahib kvant kompüteri istifadəyə verilib. Alimlər əmindirlər ki, çox güclü kvant kompüterlər 10 ildən tez bir müddətdə istifadəyə verilməyəcəklər.

Qeyd: Şərhlərdə nalayiq ifadələr işlətmək, reklam xarakterli mətn paylaşmaq qadağandır.

Şərh yoxdur

Şərh yazmaq üçün daxil olun


DAHA ÇOX


Naqilsiz yeni Redmi Buds 4 və Buds 4 Pro qulaqlıqları təqdim edilib - QİYMƏTİ..

Redmi brendi 2 ədəd yeni naqilsiz qulaqlığı təqdim edib. Söhbət, Redmi Buds 4 və Buds 4 Pro qulaqlar..


Yeni Xiaomi Mi Band 7 smart qolbağı təqdim edilib - QİYMƏTİ

Redmi brendi Redmi Note 11T Pro və Note 11T Pro+ smartfonlarından əlavə olaraq çoxdan gözlənilən Mi ..


Apple öz cihazlarında fiziki düymələrdən imtina etməyi planlaşdırır

Görünür, Apple şirkəti öz cihazlarında fiziki düymələrdən imtina etməyi planlaşdırır. Şirkətin yeni ..


Snapdragon 8+ Gen 1 və flaqman özəlliklərə sahib Snapdragon 7 Gen 1 prosessorlar..

Qualcomm şirkəti keçirtmiş olduğu xüsusi təqdimat tədbiri çərçivəsində yeni Snapdragon 8+ Gen 1 flaq..


Hələ təqdim olunmamış Xiaomi Mi Band 7 smart qolbağı internet mağazalarının biri..

Xiaomi Mi Band 6 smart qolbağı Çində keçən ilin aprel ayının əvvəlində təqdim edilmişdi...


Acer yeni oyun notebook-larını təqdim etdi - Predator Helios ilə eynəksiz 3D oyu..

Acer 18 May tarixində baş tutan onlayn təqdimat mərasimində əsas oyun xətti olan Predator seriyasınd..

×