Bildiyiniz kimi, hər il milyonlarla insanın ölümünə səbəb olan xəstəliklərdən biri də qəfil ürək ölümüdür. Gözlənilməz şəkildə meydana gələn və ümumiyyətlə ürəyin elektrik fəaliyyətində ani bir pozulma nəticəsində yaranan ölüm səbəbi olaraq təyin olunan ani ürək ölümü, yeni dövrdə proqnozlaşdırıla bilən olacaq. Alimlər tərəfindən yeni hazırlanmış alqoritm, maşın öyrənmə texnikasından istifadə edir. Alqoritm xəstənin anamnezini, genetik faktorlarını və müxtəlif sağlamlıq parametrlərini təhlil edərək ani ürək ölümü riskini hesablaya bilir. Tədqiqat aparan alimlər, alqoritmi hazırlamaq üçün olduqca böyük məlumatlar bazasından istifadə ediblər. Daha əvvəl ani ürək ölümü keçirmiş xəstələr və sağlam fərdlərin məlumatlarını bir araya gətirən bu alqoritm, risk faktorlarını və risk balını hesablaya bilir.

     Alqoritmin ən mühüm xüsusiyyətlərindən biri odur ki, o, təkcə riski proqnozlaşdırmaqla yanaşı, risk faktorlarını da müəyyən edir. Bu sayədə həkimlər xəstələrin infarkt təhlükəsindən uzaq durmaq üçün nə etməli və etməməli olduqlarını müəyyən edə bilirlər. Araşdırmanın aparıcı tədqiqatçısı, mövzu ilə bağlı açıqlamasında bunları deyib: “Bu alqoritm, qəfil ürək ölümü riskini proqnozlaşdırmaqda indiyə qədər gördüyümüz ən perspektivli vasitələrdən biridir. O, tibb işçilərinə xəstələrə risklərini daha yaxşı anlamağa və müvafiq tədbirlər görməyə kömək etmək üçün güclü alət təklif edir".