Almaniyanın Daxili İşlər Nazirliyi ölkənin mobil 5G şəbəkələrində Huawei və ZTE şirkətlərinin istehsalı olan kritik vacib komponentlərinin istifadəsini qadağan etməyi planlaşdırır. Belə qadağanın qüvvəyə minməsi ilə bağlı müxtəlif müddətlərin müzakirəsi aparılır. Nazirlik ölkənin mobil şəbəkəsinin hansı miqyasda kritik vacib infrastrukturunun Çin texnologiyalarına ehtiyac duyduğunu analiz edir. ABŞ bu mövzuda öz müttəfiqlərinə təzyiq göstərməkdə davam edir. Onun əsas məqsədi müttəfiq ölkələrin Çin istehsalı təchizatlardan asılıqlarını aşağı salmaqdır. Bununla belə Almaniya DİN-nin verdiyi məlumata əsasən bu mövzuda araşdırmalar davam edir və üstəlik məsələ ilə bağlı ölkənin digər nazirlikləri də aktiv şəkildə çalışırlar.

    Sözügedən mövzuya fikir bildirən zaman Huawei təmsilçiləri qeyd ediblər ki, ölkə tərəfindən aparılan audit diskriminasiya xarakteri daşıyır və texniki kriteriyalara əsaslanmır. Huawei bildirib ki, Almaniya tərəfindən bu mövzunun siyasiləşdirilməsi ölkədəki rəqəmsal transformasiya prosesini ləngidəcək və istehlakçıların xərclərini artıracaq. Almaniya rəsmilərinin sözlərinə əsasən adları qeyd edilmiş şirkətlərin təchizatlarının qadağan edilməsi mövzusunda mobil internetin sürəti, onun nə dərəcədə əlçatan olması və asılılıqdan uzaqlaşma kimi faktorlar əsas faktorlardır.

    Qeyd etmək lazımdır ki, son zamanlarda ABŞ, Böyük Britaniya və Avropa Birliyi Çin şirkətləri tərəfindən ola biləcək təhlükələrə daha çox diqqət ayırırlar. Bununla belə Almaniya, Çin istehsalı təchizatlsr mövzusunda radikal qərarların qəbul edilməsi ilə tələsmir. Ölkənin 5G şəbəkələrində Huawei komponentlərindən istifadə icazəsi var. Bu cür şəbəkələrin qurulmasında isə birbaşa Deutsche Telekom məşğul olur. Məsələn Böyük Britaniya öz regionundakı yeni nəsil 5G şəbəkələrində Huawei komponentlərindən istifadəni hələ 2020-ci ildə qadağan etmişdi.