AMD şirkəti El Capitan adlı superkompüteri anons edib. Superkompüterin hələ istifadəyə verilməməsinə baxmayaraq onu artıq dünyanın ən güclü superkompüteri hesab edirlər. Anons edilmiş yeni superkompüterin əsas özəllikləri sırasında AMD-nin yeni arxitektur əsasında hazırlanmış prosessorlardan və Radeon qrafik çiplərdən istifadə var. Bütün bunlar ona yüksək hesablama gücünü təmin edəcəklər. Bu barədə 4pda saytı xəbər verib. Sözügedən superkompüterin əsasında Zen 4 arxitekturası əsasında yaradılmış AMD EPYC Genoa prosessorları var.

    Qeyd etmək lazımdır ki, Zen 4 arxitekturası əsasında yaradılmış istehlakçı çipləri gələn il satışa çıxacaqlar. Hal hazırki mərhələdə isə AMD öz yeni nəsil çiplərini Zen 2 arxitekturası əsasında hazırlayır. Sözügedən superkompüter AMD şirkətinin ABŞ-ın energetika nazirliyinə məxsus olan Lourens Livermor adına milli laboratoriyası və HPE şirkəti ilə əməkdaşlığı çərçivəsində hazırlanır. 2023-cü ildə istifadəyə verilməsi planlaşdırılan El Capitan superkompüteri həmçinin Radeon Instinct hesablama sürətləndiricilərini də əldə edəcək.

    Superkompüterin hər bir qovşağı 1 CPU və 4 qrafik prosessordan ibarət olacaq. Superkompüterin hansı sayda qovşaqdan ibarət olacağı bilinmir. Nəticədə əldə olunacaq superkompüterin gözlənilən performans gücü 2 ekzoflops şəklində qiymətlndirilir. El Capitan nüvə təhülkəsizliyi üzrə milli administrasiyanın ölkənin nüvə ehtiyyatlarının qorunması və təhüləsizliyi tələblərinə uyğun olacaq. Bu superkompüterin hansı əməliyyatları yerinə yetirəcəyi barəsində bir məlumat yoxdur.