Amerikalı sərhədçilər, göydə drone-nun uçduğunu görərək onu izləyiblər və Jorge adlı şəxsin əsl niyyətini öyrəniblər. Belə ki, Jorge, həmin drone-nu endirmək istəyəndə sərhədçilər onu yaxalayıblar. Dindirilmə əsnasında məlum olub ki, San Dieqo-da yerləşən yanacaqdoldurma məntəqələrindən birindəki digər şəxsə amfetamini çatdırmaq üçün Jorge-yə 1000$ ödəniş olunub. Bir neçə yüz min dollar qiyməti olan narkotik vasitələri, Jorge, yemək qabına qoyaraq onu drone-na yerləşdirib. Bundan əlavə olaraq Jorge etiraf edib ki, bu onun 6-cı belə işidir. Polisin verdiyi məlumata əsasən bu, DJI Matrice 600 Pro adlı drone modeli idi. Onun qiyməti isə 5000$ təşkil edir. Narkotiklərlə mübarizə şöbəsinin əməkdaşı öz növbəsində qeyd edib ki, drone-lar narkotik daşınmasında əlverişli üsul deyil. Belə ki, onlar bir dəfəyə böyük miqdarda narkotik vasitələri daşıya bilmirlər və yüksək səslə çalışırlar.