Android 11 əməliyyat sistemi istifadəçiləri mikrofon və kameraların izlənməsindən qoruyacaq
Elm & Texnologiya
26.03.2020
Farid Pardashunas
Google tərtibatçıları mütəmadi şəkildə Android əməliyyat sisteminin təkcə interfeysini deyil həmçinin təhlükəsizlik sistemini də təkmilləşdirirlər. Beləliklə Android 11-in tərtibatçılar üçün nəzərdə tutulmuş versiyasının kodunda aşkar edilmiş yeni funksiya istifadəçi məlumatlarının oğurlanması üçün smartfonun mikrofon və kameralarından istifadə edən casus tətbiqlərin qarşısını almağa imkan verəcək. Bu barədə Phonearena saytı xəbər verib.
Android 10-da əsas yeniliklərdən biri bu idi ki, istifadəçi sistem ayarlarında geolokasiya məlumatlarının hansı tətbiqlərə veriləcəyini təyin edə bilirdi. Məsələn istifadəçi hansısa tətbiqdən yalnız istifadə zamanı həmin tətbiqin geolokasiya məlumatlarını əldə etməsini təmin etmək olurdu. Bu halda tətbiqin fon rejimində həmin məlumatları əldə etməsi deaktiv edilirdi.
İnsayderlərin verdikləri məlumatlara əsasən Android 11 əməliyyat sistemində bu cür sistem həmçinin smartfonun mikforon və kameraları üçün də reallaşdırılacaq. Beləliklə istifadəçi yalnız tətbiqdən istifadə özəlliyini seçməklə fon rejimində kameralar ilə mikrofonların onu izləmələrinin qarşısını ala biləcək. Gözləntilərə əsasən bu cür özəllik istifadəçilərin konfidensial məlumatlarının reklam agentliklərinin əllərinə düşməsinin və həmçinin bir çox casus tətbiqlərin də qarşısını almağa imkan verəcək..
Linki kopyala
Bənzər xəbərlər
Oxşar xəbərlər
Həftənin xəbərləri
YouTube öz yeni dizaynını test etməyə başlayıb
Telegram-ın yaradıcısı Pavel Durov geniş müsahibə verib (VİDEO)