Android N tanıtım tarixi bəlli oldu!

Google CEO’su Sundar Pichai, Twitter hesabından il ərzində şirkət adına ən önəmli tədbir olaraq göstərilən Google I/O Developer Konfransı’nın 18-20 May tarixləri arasında keçiriləcəyini bildirib. Son illərdə bütün Google I/O tədbirlərini Moscone Center West'də reallaşdıran Google firması, bu ilki tədbir üçün Mountain View’dakı Shoreline Teatrına keçəcək. Google 10 il əvvəl ilk Developerlər Konfransını da burada reallaşdırmışdı.

Google I/O tədbirinə isə Android N versiyası damğasını vuracaq. Android əməliyyat sisteminə böyük yeniliklərin ediləcəyi yeni versiya may-iyul arasında sadəcə Nexus cihazları üçün istifadəyə veriləcək. Beta prosesi Sentyabr-Noyabr aylarına qədər davam edəcək Android N daha sonra yeni Nexus cihazları ilə rəsmi olaraq çıxacaq. Android N’dən başqa Android Wear, Android TV və mövcud Google xidmətlərinə ediləcək bir sıra yeniliklər də bu tədbirdə açıqlanacaq.