1 il yarım bundan öncə OnePlus şirkəti yalnız OnePlus 10 Pro smartfonunu təqdim edən zaman bir çoxlarının ağıllarında sual yarandı ki, şirkət nəyə görə adi OnePlus 10 modelini təqdim etmədi? Kim bilə bilərdi ki, eyni hadisə həmçinin Apple tərəfində də baş verəcək. Qeyd etmək lazımdır ki, şirkətin yenicə təqdim etmiş olduğu iPhone 15 smartfon seriyasına daxil olan iPhone 15 Pro və iPhone 15 Pro Max modelləri A17 Pro adlı 3 nanometrlik prosessor ilə təchiz olunublar.

    Burdan da belə bir məntiqli sual ortaya çıxır ki, A17 Bionic-in aqibəti necə oldu? Belə ki, iPhone 15 və iPhone 15 Plus modelləri keçən ilki A16 Bionic vasitəsilə çalışırlar. İnsayderlər bu məsələyə aydınlıq gətiriblər. Onların sözlərinə əsasən şirkət A17 Bionic prosessorunu ləğv etməyib. Şirkət sadəcə olaraq onu gələn il təqdim olunacaq iPhone 16 və iPhone 16 Plus üçün saxlayıb. Çox güman ki, şirkət bunu adi iPhone modelləri ilə iPhone Pro modelləri arasında fərqin daha çox olması üçün edir.