Apple şirkəti bu ilin sentyabr ayında iPhone 15 smartfon seriyasını təqdim etməlidir. Son məlumatlara əsasən seriyaya daxil olacaq iPhone 15 Pro və iPhone 15 Pro Max modelləri şirkətin A17 Bionic prosessoru ilə təchiz olunacaqlar. İndi isə sözügedən prosessorun prototipi Geekbench testlərindən keçib. İlkin test nəticələrindən belə qənaətə gəlmək olar ki, A17 Bionic prosessoru iPhone 15 Pro smartfonlarının performans göstəricilərini bir xeyli yüksəldəcək. Məlumata əsasən A17 Bionic TSMC şirkətinin 3 nanometrlik texnoloji prosesi əsasında istehsal ediləcək. O özündə 6 nüvəli CPU-nu və 5 nüvəli GPU-nu birləşdirəcək. A17 Bionic-in prototipi Geekbench-in bir nüvəli testi çərçivəsində 3986 xal, çox nüvəli testi çərçivəsində isə 8841 xal toplayıb. Geekbench testlərindən A17 Bionic-in prototipinin keçməsinə baxmayaraq o, A16 Bionic prosessorunun Geekbench-in bir nüvəli testindəki göstəricisindən 59%, çox nüvəli testindəki göstəricisindən isə 43% daha sürətlidir.