Apple AirTag 2 axtarış trekeri üzərində çalışır

    Apple şirkəti itmiş əşyaların axtarışı üçün nəzərdə tutulmuş AirTag axtarış trekerini 2021-ci ildə təqdim etmişdi. İndi isə görünür, şirkət onun yeni versiyası üzərində çalışır. Söhbət, AirTag 2-dən gedir. Bu məlumatı məşhur analitik Ming-Chi Kuo təqdim edib. Onun sözlərinə əsasən şirkət Apple AirTag 2-nin kütləvi istehsal prosesinə 2024-cü ilin sonunda start verə bilər. Burdan da belə qənaətə gəlmək olar ki, Apple AirTag 2-ni yalnız 2025-ci ilin əvvəlində gözləmək lazımdır. Analitikin fikrincə AirTag 2-nin əsas fərqləndirici özəlliklərindən biri də onun qarışıq reallıq cihazı olan Vision Pro ilə sıx inteqrasiyası ola bilər.