main-post-cover

    Apple Beats Studio Buds+ naqilsiz qulaqlığının təqdimatına hazırlaşır

    Elm & Texnologiya
    19.04.2023
    Emil Nəcəfov
        Apple şirkəti Beats Studio Buds+ naqilsiz qulaqlığının təqdimatına hazırlaşır. Belə ki, verilmiş məlumata əsasən sözügedən qulaqlıq ABŞ-ın FCC agentliyində artıq sertifikatlaşdırmadan keçib. Bu isə o deməkdir ki, naqilsiz qulaqlığın təqdimatı çox yaxındır. Beats Studio Buds+ qulaqlığının iyun ayında keçiriləcək WWDC 2023 konfransında təqdim ediləcəyi istisna edilmir. Son məlumat sızıntılarına əsasən yeni naqilsiz qulaqlıq xarici görünüşcə Beats Studio Buds-dan heç də fərqlənməyəcək. Bununla belə Beats Studio Buds+ yenilənmiş şəffaf rejimi və ətraf səs-küyün boğulması üzrə yaxşılaşdırılmış sistemi əldə edəcək. Beats Studio Buds kimi yeni naqilsiz qulaqlığın da MediaTek prosessoru vasitəsilə çalışacağı gözlənilir.
    Linki kopyala