'Apple' bilərəkdən mi köhnə model iPhone-ları zəiflədir? Uydurma yoxsa reallıq?

Həmin şaiyələrə əsasən şirkət, hiyləyə əl ataraq, istifadəçilərin, yeni model iPhone cihazlarını daha aktiv almaları üçün şərait yaradır. Bununla belə bu bir neçə il ərzində sözügedən şaiyə yoxlanılmayıb. Buna görə də “Futuremark”, 2015-ci ildən bəri 3Dmark adlı benchmark saytında olan qeydlər əsasında öz istintaqını aparıb. Tədqiqatda benchmark-ın, 7 iPhone modelində və 3 iOS versiyasında apardığı testlərin 100.000 nəticələri iştirak edib.

Nəticə etibarilə "Futuremark” hətta 2013-cü ildə təqdim olunmuş iPhone 5S modelində də “Apple” şirkətini hansısa dələduzluqda ittiham edə bilməyib. Belə ki, sözügedən iPhone 5S modelindəki texniki göstəricilər sadəcə cüzi miqdarda zəifləyib. Səbəbi isə yeni versiya iOS sistemindədir. Belə ki, yeni versiya iOS ilə yanaşı həmdə yeni funksiyaların aktiv olması səbəbilə smartfonun gücü daha çox sərf olunur. iPhone 6, iPhone 6S və iPhone 7 ilə olan hallarda da nəsə yanlış bir şey aşkar edilməyib.

Bu cihazların prosessorlarının və qrafik sürətləndiricilərinin gücləri, iOS 9 vaxtlarından dəyişilməz olaraq qalıb. Sonda “Futuremark” bildirib ki, “Apple”, keçmiş modellərin dəstəklənməsi baxımından yaxşı iş görüb. Bununla yanaşı, tətbiq yaradıcıları çox zaman öz tətbiqlərini, yeni model smartfonlar əsasında qururlar. Buna görə də keçmiş modellərdə sürət bir qədər azalır. Həmçinin mütəxəssislər belə hallarda psixoloji faktoru da səbəb kimi göstəriblər. Belə ki, istifadəçi öz cihazının zəiflədiyinə məhz yeni cihazın satışa çıxması halında fikir verir.