Dünya nəhənglərindən olan Apple, işçilərin təhlükəsizliyini təmin edə bilmək üçün 27 martdan etibarən bütün mağazalarını bağlayır. 2019-cu ilin dekabr aylarında ortaya çıxan virus hal-hazırda bütün sektorlara öz təsiri etməyə davam edir. Apple CEO-su Tim Cook dünən mediaya verdiyi məlumatda bütün Apple mağazalarının bağlanacağını bildirdi.

        Hong Kong, Makao və Tayvanın daxil olduğu Böyük Çin xaric bütün dünya üzərindəki Apple mağazaları bağlanacaq. Qeyd edək ki, Çində koronavirus təhlükəsiz ciddi səviyyədə olduğu vaxtlar bu bölgələrdəki mağazalar bağlanmışdı. Dünənə qədər də bağlı qalmışdı. Lakin bu gündən etibarən bu bölgələrdəki mağazalar açılsa da, 27 martdan etibarən digər mağazalar bağlanacaq. Həmçinin Tim Cook şirkətin koronavirus ilə mübarizəyə 15 milyon dollar yardım etdiyini də vurğuladı.    

        Apple hər il keçirdiyi Worldwide Developers Conference (WWDC) tədbirini də ləğv etdi. Google və Facebook-un öz tədbirlərini ləğv etdiklərini bəyan etdikdən sonra Apple da tədbiri fiziki olaraq keçirməmək qərarına gəldi. Apple da digər şirkətlər kimi internet üzərindən online şəkildə tədbiri keçirəcək. Ümid edirik ki, qısa zamanda Koronavirus bəlası bütün dünya üzərindən çəkilər.