Hələ bir neçə müddət bundan öncəyə kimi internetdə ara-sıra Apple şirkətinin elektromobil layihəsi barəsində məlumatlar ortaya çıxırdı. Lakin məşhur analitik Ming-Chi Kuo-nun sözlərinə əsasən insayderlər artıq Apple elektromobili barəsində hansısa məlumata sahib deyillər. Buna görə də elektromobilin nə zaman təqdim olunacağı və ya nə zaman satışa çıxacağı tam aydın deyil. Daha öncəki məlumat sızıntılarında insayderlər qeyd edirdilər ki, Apple şirkəti ilk elektromobilini 2025-ci ildə anons edə bilər. Lakin Kuo-nun sözlərinə əsasən şirkət bu ilin mart ayında elektromobil ilə bağlı olan komandanı ləğv etdi. Məhz həmin vaxtdan Apple elektromobili barəsində yeni məlumatlar ortaya çıxmır. Analitikin fikrincə növbəti illər üçün bu layihə sadəcə kağız üzərində mövcud olan bir layihə kimi qala bilər.