'Apple' əyilə bilən smartfonlar yarışına daxil olur
Elm & Texnologiya
25.11.2017
Emil Nəcəfov
ABŞ-ın patentlər və ticarət nişanlarının qeydiyyatı agentliyi “Apple” şirkətinin yeni patent sorğusunu yayımlayıb.
Həmin patentdə ekranı əyilə bilən
smartfondan söhbət gedir. Günümüzdə mobil telefon bazarında əsas trendlərdən
biri çərçivəsiz ekranlardır. Lakin bir çox şirkətlərin fikrincə növbəti
innovasiyalı qərar məhz ekranı əyilə bilən smartfonlar olacaq. Görünür “Apple”
öz rəqiblərindən geri qalmaq istəmir və buna görə də bu istiqamət üzrə öz tədqiqatlarını
aparır. Yeni patent isə əyilə bilən iPhone barəsində təsəvvürlərin
yaranmasına yardımçı olur.
“Elektron cihaz elastik ekrana sahib ola bilər. Elastik ekran xüsusi sahəyə sahib olacaq hansı ki, smartfon bükülən zaman ekranın öz oxu ətrafında əyilməyinə imkan verəcək” – deyə patentdə qeyd olunub.
Patentə əsasən Apple smartfonunu kitab kimi açıb-bağlamaq olacaq. Hal hazırda
olan məlumatlara əsasən “Apple” “LG” şirkətinin elastik OLED ekranları və
onların istehsalı üçün nəzərdə tutulmuş zavodun tikilməsinə investisiyalar
yatırıb. Bununla yanaşı patentdə qeyd olunub ki, elastik ekran LCD, OLED və
microLED texnologiyaları əsasında hazırlana bilər. Qeyd etmək laızmıdr ki,
iPhone X artıq “Samsung” istehsalı əyilmiş OLED ekranı özündə birləşdirir. Belə
ki, bu modelin ekranı, çərçivələri kiçiltmək üçün korpusu bir qədər əymiş vəziyyətdədir.
Linki kopyala
Həftənin xəbərləri
Whatsapp yaxın zamanda 2 yeni funksiyanı əldə edəcək
Qutusu açılmamış birinci nəsil iPhone modeli 15 Pro Max-dan təxminən 80 qat baha qiymətə satılıb!