'Apple'ın CEO-su Tim Cook: 'Xarici dil əvəzinə proqramlaşdırma dilini öyrənmək daha yaxşıdır'
Elm & Texnologiya
13.10.2017
Farid Pardashunas
“Apple” CEO-su Tim Cook fransız tələbələrə proqramlaşdırma dillərini öyrənməyi məsləhət görüb.
Çünki proqramlaşdırma dilləri
onları tələb olunan mütəxəssislərə çevirir və onların ixtiraçılıq qabiliyyətlərini
təkmilləşdirir. Fransaya səfəri zamanı Tim Cook, prezident Emmanuel Macron ilə
görüşüb və müasir təhsil ilə bağlı fikirlərini videomüsahibə vasitəsilə
çatdırıb.
“Əgər mən fransız tələbə olsaydım və mənim 10 yaşım olsaydı, onda mən ingilis dilini öyrənmək əvəzinə proqramlaşdırma dilini seçərdim. Xeyr. Mən heç kimi ingilis dilini öyrənməməyə çağırmıram. Sadəcə proqramlaşdırma dili universaldır və onu dünyanın 7 milyard insanı başa düşə bilər. İxtiyarım olsaydı bu fənni bütün məktəblərdə məcburi fənn kimi edərdim. Bu nəinki kompüter mütəxəssisləri üçün lazımdır. Burda ilk növbədə kreativlikdir. Kod yazmaq bacarığı isə ikinci dərəcəli göstəricidir” – deyə Tim Cook bildirib.
Cook həmçinin qeyd edib ki,
proqramlaşdırma, istənilən fakultənin tələbəsini ixtiraçılıq qalibiyyətinə və
qeyri-standart qərarların qəbul edilməsinə öyrəşdirir. Bu cür bəyanatlar verərək
çox güman ki, Tim Cook öz maraqlarını güdür. “Apple” özünün Swift adlı
proqramlaşdırma dilinə sahibdir. Təbii ki, şirkətə sərf edir ki, insanlar öz tətbiqlərini
məhz bu proqramlaşdırma dili vasitəsilə yaratsınlar.
Linki kopyala
Bənzər xəbərlər
Oxşar xəbərlər
Həftənin xəbərləri
