'Apple' köhnə iPhone cihazlarını zəiflətdiyi üçün müştərilərdən üzr istədi və həmin smartfonlara sahib olanlara xüsusi təklif etdi
Elm & Texnologiya
02.01.2018
Farid Pardashunas
“Apple” şirkəti köhnə model iPhone cihazlarının zəiflədilməsinə görə öz müştərilərindən üzr istəyib və bir daha bunu etməyəcəyinə söz verərək iPhone 6 və daha köhnə iPhone modellərinin batareyalarının endirimlə dəyişdirilməsini təklif edib.
“Apple şirkətinin sizin gözləntilərinizi məyus etdiyini düşündüyünüzü başa düşürük. Biz sizdən üzr istəyirik. Bu problem ətrafında anlaşılmazlıq yaranıb və biz vəziyyəti aydınlaşdıraraq bizim etdiyimiz dəyişikliklər barəsində sizlərə danışmaq istəyirik. Biz heç zaman bilərəkdən istənilən Apple məhsulunu zəiflətməmişik və insanların yeni məhsulları almaları üçün köhnə məhsulların interfeyslərini və ya məhsulların özlərini zəiflətmək kimi bir proses olmayacaq” – deyə şirkət bildirib.
Bir neçə müddət bundan öncə
şirkətin vermiş olduğu məlumata əsasən köhnə model iPhone cihazlarının zəiflədilməsi
onların batareyalarının tamamilə sıradan çıxmasının və bununla da cihazın ani
olaraq sönməsinin qarşısını almaq üçün edilirdi. Bu cür üsul litium-ion
batareyalarının mənfi özəlliyi ucbatından görülür. Belə ki, müəyyən müddətdən
sonra bu batareyalar cihazı lazımi enerji ilə təmin edə bilmir. Müştərilərin
etibarlarını yenidən qazanmaq üçün “Apple” bir neçə addım atacağını bildirib.
Həmin
addımlar arasında şirkət servislərində cihaz batareyalarının dəyişilməsində 50%-lik endirim
var. Beləliklə bu ilin Yanvar ayından başlayaraq Dekabr ayına kimi istifadəçilər
köhnə model iPhone cihazlarının batareyalarını 79$ əvəzinə 29$-a dəyişə biləcəklər.
Həmçinin şirkət söz verib ki, yeni iOS əməliyyat sistemində istifadəçilərin öz
cihazlarındakı batareyalarının vəziyyətlərini nəzarət altında saxlamaları üçün
yeni özəlliklər olacaq.
Linki kopyala
Bənzər xəbərlər
Oxşar xəbərlər
Həftənin xəbərləri
WhatsApp-da AirDrop analoqu istifadəyə veriləcək
Galaxy C seriyası geri qayıtdı: Samsung Galaxy C55 5G smartfonu təqdim edilib - QİYMƏTİ