"Apple" nəyə görə tətbiqləri App Store-dan silir?
Elm & Texnologiya
07.05.2017
Farid
"Apple” şirkəti tətbiq istehsalçılarına rəsmi məktub göndərib. Məktubda App Store servisindəki bir çox tətbiqlərin silinəcəyi haqqında məlumat var. Həmin elan şirkətin saytına da yerləşdirilib.
App Store-dan iOS-in köhnəlmiş versiyaları üçün yaradılmış və
yenilənməmiş tətbiqlər silinəcək. Bu qərar həmçinin yaxşı səviyyədə çalışmayan
tətbiqlər üçün də keçərli olacaq. "Technote.az”ın "Hi-tech.mail.ru”a istinadən
verdiyi xəbərə əsasən ilk öncə servisdən heç kim tərəfindən yüklənməyən və
ümumiyyətlə çalışmayan tətbiqlər silinəcək. Qeyd edək ki, hal hazırda App
Store-da 2 milyona yaxın tətbiq var. Tətbiqlər bütün kateqoriyalar əsasında
yoxlanılacaq. Bu qərar 7 Sentyabr tarixindən qüvvəyə minəcək. Tətbiq
istehsalçısı xəbərdalığı aldığı müddətdən sonra 30 gün ərzində tətbiqdə olan
problemləri aradan qaldırmalıdır. Əks halda tətbiq servisdən silinəcək.
Həmçinin "Apple” tətbiqlərin adlandırılması qaydasına da dəyişiklik
əlavə edib. Bundan sonra istənilən tətbiqin adında 50 simvoldan artıq istifadə
etmək olmayacaq. Bundan əlavə olaraq əgər siz App Store-da Instagram-ı axtarmaq
istəsəz onda servis yalnız əsl Instagram tətbiqini sizə təqdim edəcək. Onun
adına bənzər digər bir tətbiq isə əks olunmayacaq. Bu üsul məşhur tətbiqlərin
oxşarları ilə mübarizə aparmaqda köməklik edəcək.
Paylaş
Bənzər xəbərlər
