Apple şirkəti Project Titan adı altında bilinən layihəsi çərçivəsində hazırlanan gələcək elektromobili ilə bağlı bir neçə patenti qeydiyyatdan keçirdib. Qeydiyyatdan keçirilmiş patent sənədlərindən birində gələcək elektromobildə istifadə ediləcək unikal işıqlandırma texnologiyası əks olunub. Məlumata əsasən sözügedən işıqlandırma texnologiyası üzlük parçası əsasında çalışacaq. Söhbət, oturacaqların, oturacaqların yuxarı hissələrində olan başlıq hissələrinin, qapıların, idarə panelinin və salonun digər elementlərinin üzlükləri altında gizlədiləcək idarəetmə elementlərinin işıqlandırılmasından gedir. Məlumatda qeyd edilib ki, istifadə zamanı sistem idarəetmə işarələrini və mətnlərini işıqlandıracaq.

    İstifadə prosesinin yekunlaşdırılması zamanı isə sistem işıqlandırmanı deaktiv edəcək. Nəticədə üzlük parçasının alt hissəsində yerləşəcək ikonlar görünməz hala gələcəklər. Bu isə öz növbəsində elektromobilin salonunu əlavə vizual küydən azad edəcək. Bu cür işıqlandırma sistemi həmçin gecə saatlarında müəyyən elementləri işıqlandıraraq naviqasiya sistemi rolunda çıxış edə bilər. Buna misal olaraq fincanın yerləşdirilməsi və ya smartfonun şarj prosesi üçün nəzərdə tutulmuş sahənin işıqlandırılmasını gətirmək olar. Öz patent sorğusunda şirkət qeyd edib ki, müxtəlif növ elementlərin işıqlarını əks etdirəcək material avtomobilin interyerində istifadə edilən adi parçadan və ya digər növ materialdan ibarət ola bilər. Sözügedən texnologiyanın yekun olaraq Appel elektromobilində istifadə edilib-edilməyəcəyi bilinmir.