Apple şirkəti də ekran üzərində ön kamera üçün kiçik dairəvi hissəli iPhone istehsal edəcək
Elm & Texnologiya
25.12.2018
Farid Pardashunas
Görünür, Apple şirkəti mobil bazarda dizayn dəbini formalaşdırmaq ğzəlliyini itirərək bu dəfə çinli rəqiblərindən nəsə götürəcək. Belə ki, Apple şirkəti də ekran üzərində ön kamera üçün nəzərdə tutulmuş dairəvi hissə dizaynına keçid etməyi planlaşdırır. Ice Universe adlı məşhur insayderin verdiyi məlumata əsasən Samsung və Huawei şirkətlərinin ardınca Apple da ekran üzərində kiçik dairəvi hissəli iPhone modellərini istehsal edəcək.
Bu cür ekran dizaynını Galaxy A8s və Honor View 20 smartfon modelləri artıq əldə ediblər. Lakin Apple deyəsən hamıdan gec tərpənəcək. Belə ki, yeni ekran dizaynına sahib iPhone modellərini 2020-ci ildən tez gözləmək lazım deyil. Çox güman ki, bu, 5G dəstəkli iPhone modeli olacaq. Gələn il üçün isə iPhone modellərində qlobal dəyişikliklərin olacağına ümid etmək lazım deyil. Onlar da indiki modellər kimi standart çıxıntı hissəyə sahib olacaqlar. Şirkətin həmçinin ekrana inteqrasiya olunmuş barmaq izi skanı texnologiyasına keçid etməsi də 2020-ci ilə gözlənilir.
Linki kopyala
Bənzər xəbərlər
Oxşar xəbərlər
Həftənin xəbərləri
Huawei Pura 70 və Pura 70 Pro təqdim olunublar - QİYMƏTİ
WhatsApp-da AirDrop analoqu istifadəyə veriləcək