Apple şirkəti FBI-dan olmuş şikayətlərdən sonra end-to-end şifrələnməsi ideyasından imtina edibmiş

Apple şirkəti FBI-dan olmuş şikayətlərdən sonra end-to-end şifrələnməsi ideyasından imtina edibmiş

Texnologiya
22.01.2020 PAYLAŞIM

    Apple şirkəti dəfələrlə cinayətkarların iPhone smartfonlarının blokdan çıxarılmasından imtina etməsi məsələsində ABŞ-ın Federal təhqiqat bürosu (FBI) ilə mübahisələr aparıb. İctimai səviyyədə şirkət hüquq-mühafizə orqanları ilə əməkdaşlıq etməyərək istifadəçilərin konfidensial məlumatlarını verməməsi məsələsində öz mövqeyini qorusa da yeni hesabata əsasən şirkət FBI-ya xoş olmayan funksiyanın öz smartfonlarına inteqrasiyasından imtina edib. Bu barədə Reuters saytı xəbər verib.

    Reuters saytı hal hazırda FBI-da çalşan 1 şəxsə, 3 keçmiş FBI əməkdaşına və 1 keçmiş Apple işçisinə istinadən məlumat verib ki, 2 il bundan öncə Apple şirkəti iPhone-dan iCloud-a istifadəçilərin şəxsi məlumatlarının saxlanılması məsələsində end-to-end şifrələnməsini tətbiq etmək istəyirdi. Güman edilirdi ki, bu öz növbəsində Apple cihazları istifadəçilərinin yüksək təhlükəsizliyini təmin edəcəkdi. Lakin bu halda hətta Apple şirkəti də şifrələnmiş məlumatların blokdan çıxarılması üçün nəzərdə tutulmuş açarlara sahib olmayacaqdı.


    Nəticədə hətta məhkəmə qərarı olsa da şirkət istifadəçi məlumatlarını oxunula bilən şəkildə hüquq-mühafizə orqanlarına təqdim edə bilməyəcəkdi. Anonim mənbələr qeyd ediblər ki, Apple bu planını FBI-ya bildirib. Kibercinayətlər üzrə agentlər isə Apple şirkətinin bu ideyasına qarşı çıxıblar. Belə ki, bunun olacağı halda agentlər iPhone istifadə edən şübhəli şəxslər barəsində sübutların əldə edilməsi imkanından məhrum olacaqdılar.

    Məlumata əsasən FBI əməkdaşları ilə Apple şirkəti arasında bir neçə dəfə qeyri-rəsmi görüşlər baş tutub. Nəticədə Apple end-to-end şifrələnməsi ideyasından imtina edib. Bu cür qərarın səbəbini isə şirkət qeyd etməyib. Keçmiş Apple əməkdaşı qeyd edib ki, şirkət istəmirdi ki, onu cinayətkarların qorunmasında və əldə oluna bilən məlumatların ABŞ dövləti üçün qapalı olan mühitə yayılmasında günahlandırsınlar. Reuters saytına məlumat vermiş anonim mənbələr qeyd ediblər ki, Apple şirkətinin planlarının dəyişilməsinə digər səbəblər də təsir göstərmiş ola bilər.

Qeyd: Şərhlərdə nalayiq ifadələr işlətmək, reklam xarakterli mətn paylaşmaq qadağandır.

Şərh yoxdur

Şərh yazmaq üçün daxil olun


DAHA ÇOX


Elon Musk-ın Neuralink şirkəti beyin implantının insanlar üzərində testlərinə ha..

Elon Musk-ın beyin interfeysi layihəsi ilə məşğul ola Neuralink şirkəti hal hazırda klinik testlər ü..


Google şirkəti Meta və Apple məhsulları ilə rəqabət apara biləcək AR cihaz üzəri..

Virtual (VR) və artırılmış (AR) reallıq cihazları bazarı daha çox şirkətin diqqətini cəlb etməyə dav..


Space Entertainment Enterprise şirkəti kosmosda film studiyası inşa etməyi planl..

Space Entertainment Enterprise adlı şirkət kosmosda film studiyası kimi fəaliyyət göstərəcək stansiy..


Həvəskar şəxs keçən əsrin noutbukunda bitcoin mayninqini işə sala bilib

İlk noutbuklar 1980-ci illərdə işıq üzü görüblər. Həmin zamanlarda satışa çıxmış noutbuklardan indik..


Samsung AMD qrafikalı Exynos 2200 flaqman prosessorunu təqdim edib

Uzun müddətlik aradan sonra Samsung şirkəti Exynos 2200 flaqman prosessorunu təqdim edib.


Meta şirkətinin ilk smart saatı barəsində yeni məlumatlar ortaya çıxıb

Let’s Go Digital saytı Meta şirkətinin ilk smart saatı ilə bağlı patentini aşkar edib. Aşkar edilmiş..

×