Apple şirkəti qatlana bilən cihazın patentini əldə edib
Elm & Texnologiya
30.05.2019
Emil Nəcəfov
ABŞ-ın ticarət nişanları və patentləri üzrə idarəetmə komissiyası Apple şirkətinin elastiki ekrana sahib qatlana bilən smartfon modelinin patentini qeydiyyatdan keçirdib. Beləliklə şirkət gələcəkdə qatlana bilən iPhone ilə iPad modellərini istehsal edə bilər. Bu barədə 4pda saytı xəbər verib. Patentin qeydiyyat sorğusu hələ 2018-ci ilin yanvar ayında göndərilmişdi. Lakin məhz indi həmin patent rəsmi olaraq qeydiyyatdan keçirilib.
Patentdə qatlana bilən ekran ilə qapağa sahib olan cihazdan bəhs olunur. Patent fotolardan da görmək olar ki, cihaz kitab kimi qatlana bilir. Təəssüflər olsun ki, patent məlumatları arasında cihazın texniki özəllikləri barəsində heç bir məlumat yoxdur. Qeyd etmək lazımdır ki, bu, Apple şirkətinin ilk qatlana bilən cihazın patent sorğusu deyil. Şirkət daha öncə də bu texnologiyanın istifadəsi üzrə müxtəlif variantların patentini almışdı. Analitiklərin fikrincə qatlana bilən iPhone ilə iPad modellərini 2020 və ya 2021-ci ildən tez gözləmək lazım deyil.
Linki kopyala
Həftənin xəbərləri
"Premium" dizayna malik uyğun qiymətli smartfon: HONOR X8b bizə nələri vəd edir?
Whatsapp yaxın zamanda 2 yeni funksiyanı əldə edəcək