Apple şirkəti yenilənmiş MacBook Air (2020) noutbuk modelini təqdim edib - QİYMƏTİ

Apple şirkəti yenilənmiş MacBook Air (2020) noutbuk modelini təqdim edib - QİYMƏTİ

Texnologiya
19.03.2020 PAYLAŞIM

    Dünən Apple şirkəti MacBook Air noutbuk modelinin yenilənmiş versiyasını təqdim etdi. Yenilənmiş MacBook Air (2020) modeli MacBook Pro 16 modelindəki kimi təkmilləşdirilmiş klaviatura mexanizmini, yeni texniki göstəricilər və yüksəldilmiş daxili yaddaş həcmini əldə edib. Xarici görünüşcə MacBook Air (2020) modeli əvvəlki MacBook Air modellərindən heç də fərqlənmir. Əsas dəyişikliklər texniki özəllikləri əhatə edir. Beləliklə yeni MacBook Air (2020)-nin əsas platforması qismində Apple şirkəti Intel-in 10-cu nəsil prosessorlarını seçib.

    Bu baxımdan istifadəçilər 3 MacBook Air (2020) modelindən birini seçə bilərlər: 2 nüvəli Intel Core i3, 4 nüvəli Intel Core i5 və 4 nüvəli Intel Core i7. Əvvəlki modellərdən fərqli olaraq yenilənmiş MacBook Air-də minimal daxili yaddaş həcmi 256 GB SSD təşkil edir. Lakin bundan əlavə olaraq istifadəçiləri gözləyən ən böyük yenilik isə ondan ibarətdir ki, yeni MacBook Air modeli tamamilə yeni klaviatura mexanizminə sahibdir. Beləliklə onun klaviatura mexanizmi 16 düym ekrana sahib MacBook Pro-nun klaviatura mexanizmi ilə eynidir.

    Bununla yanaşı MacBook Air (2020)-də yeni səsgücləndirici sistem də quraşdırılıb. Şirkətin verdiyi məlumata əsasən MacBook Air (2020)-dəki səsgücləndiricilər əvvəlki modellərdə olan səsgücləndiricilərdən 25% daha keyfiyyətli və yüksək səs effektlərini təqdim edir. Noutbuk artıq satışdadır. Intel Core i3 prosessorlu modelin qiyməti 999$, Intel Core i5 prosessorlu modelin qiyməti isə 1299$ təşkil edir. Intel Core i7 prosessorlu modelin qiyməti barəsində bir məlumat yoxdur.



SİZƏ MARAQLI OLACAQ BİR NEÇƏ MƏLUMAT


Samsung şirkəti LCD ekranların istehsalını tamamilə dayandıracaq

Uzun müddət ərzində mobil cihazlarda LCD ekranlardan istifadə olunurdu. Lakin son illərdə bu cür ekr..


iPhone X-ə Windows 10 əməliyyat sistemi quruldu (Video)

iPhone X smartfonuna virtuallaşdırma proqramları ilə Windows 10 ƏS-i quruldu.


GitHub, açıq qaynaqlı kodları 1000 il qoruyacaq yeni proyekt hazırlayır

GitHub, açıq qaynaqlı kodları 1000 il qoruya biləcək zaman kapsulası hazırlayır.


Windows 10 20H1 (2004) yenilənməsi kompüterləri sürətləndirəcək

Windows 10 20H1 yenilənməsi kompüterləri sürətləndirəcək bəzi yeniliklər ilə istifadəçilərə təqdim e..


Windows 10-u 192 MB-lıq RAM-a sahib kompüterdə işə sala bildilər

Windows 10 əməliyyat sisteminin texniki tələbləri o qədər də yüksək deyil. Belə ki, hal hazırda aktu..


Microsoft Edge, mart ayının ən çox yüklənən 2-ci brauzeri oldu

Microsoft Edge brauzeri rəqiblərini keçərək keçən ay ən çox yüklənən 2-ci brauzer ola bildi...