Apple şirkətinin növbəti təqdimat tədbirinin tarixi məlum oldu
Elm & Texnologiya
17.03.2018
Farid Pardashunas
Apple şirkəti rəsmi olaraq yeni təqdimat tədbirinin tarixini elan etdi.
Yeni təqdimat tədbiri 27 Mart
tarixində baş tutacaq. Bu dəfəkə tədbirin mövzusu təhsil ilə əlaqəlidir. Bu barədə
şirkətin rəsmi dəvətnaməsində də qeyd olunub: “Gəlin ekskursiya keçirdək”. Dəvətnamədə
həmçinin belə bir ismarış da əks olunub: “Müəllim və şagirdlər üçün yeni
yaradıcılıq ideyalarını görmək üzrə bizə qoşulun”. Qeyd etmək lazımdır ki,
sözügedən yeni tədbir şirkətin yenicə istifadəyə verilmiş kampusunda deyil
Çikaqonun orta məktəbində keçiriləcək.
Tədbirdə nədən danışılacağı tam aydın
olmasa da, biz artıq həmin tədbirdə hansı cihazların təqdim oluna biləcəklərini
müəyyən mənada təsəvvür edə bilərik. İlk öncə təkmilləşdirilmiş və 13 inç
Retina ekrana sahib yeni MacBook Air modelinin anonsunu gözləyirik. Bundan əlavə
olaraq tədbirdə iki ədəd iPad modeli də təqdim olunmalıdır. Onlardan biri yeni
nəsil iPad Pro, digəri isə ən ucuz iPad modeli olmalıdır. Həmçinin çoxdan gözlənilən
iPhone SE 2 modelinin də anonsu barədə şayiələr gəzir. Lakin smartfonun təqdimatına
ümid etmək lazım deyil.
Linki kopyala
Bənzər xəbərlər
Oxşar xəbərlər
Həftənin xəbərləri
YouTube öz yeni dizaynını test etməyə başlayıb
Telegram-ın yaradıcısı Pavel Durov geniş müsahibə verib (VİDEO)