Bugün Apple şirkəti iPhone 15 smartfon seriyasını təqdim edəcək. Bu seriyaya daxil olacaq smartfonlar iPhone tarixində ilk dəfə USB-C girişi ilə təchiz olunacaqlar. Bu səbəbdən də şirkət müvafiq aksesuarların hazırlanması ilə məşğuldur. Bloomberg saytının məşhur insayderi Mark Gurman-ın sözlərinə əsasən şirkət gələn il bütün cihazlarını USB-C girişi ilə təchiz edəcək. Şirkət tərəfindən hazırlanan yeni aksesuarların bugünki təqdimat tədbirində təqdim olunub-olunmayacaqları bilinmir.

    İnsayder bildirib ki, Apple hal hazırda maraqlı bir aksesuar üzərində çalışır. Söhbət MagSafe naqilsiz şarj texnologiyalı yeni batareyadan gedir. Lakin bu naqilsiz şarj texnologiyalı batareyanın digər analoqlarfan fərqi onda olacaq ki, onun üzərinə iki ədəd smartfonu yerləşdirmək mümkün olacaq. Bunun sayəsində iki smartfon yeni aksesuar vasitəsilə eyni anda şarj oluna biləcək. Təbii ki, hazırlanan bu aksesuar da USB-C girişinə sahib olacaq.