Apple Watch Series 9 smart saatı bir qədər kiçik ölçüyə sahib ola bilər

    Apple şirkətinin gələn ay iPhone 15 smartfon seriyası ilə birlikdə Apple Watch Series 9 smart saatını da təqdim edəcəyi gözlənilir. İndi isə insayderlər sözügedən smart saat barəsində yeni məlumatları təqdim ediblər. İnsayderlərin sözlərinə əsasən Apple şirkəti Watch Series 9-un ölçülərini kiçiltmək qərarına gəlib. Bununla yanaşı şirkət ilk dəfə smart saatın çəhrayı gövdə rənginə sahib versiyasını satışa çıxaracaq.

    Daha öncəki məlumatlara əsasən Apple Watch Series 9 yeni prosessor ilə təchiz olunacaq və bir dəfə şarj olunandan sonra daha uzun müddət ərzində çalışa biləcək. Apple Watch Series 9-da istifadəçi səhhətinin müxtəlif göstəricilərinin ölçülməsi üçün nəzərdə tutulmuş sensorlar dəyişilməz olaraq qalacaq. Smart saat əvvəlki modellər kimi ürək nəbzini və qandakı oksigen miqdarını ölçə və elektrokardioqrammanı reallaşdıra biləcək.