Aşağı seqmentli Nokia 2 rəsmi olaraq təqdim olundu (VİDEO)
Elm & Texnologiya
31.10.2017
“HMD Global” şirkətinin rəhbərliyi altında olan yeni Nokia brendi Android əməliyyat sistemli öz smartfon seriyasını genişləndirməyə davam edir.
Seriyanın yeni modeli bu dəfə
Nokia 2 oldu. Nokia brendinin müasir seriyası 3, 5, 6, 7 və 8 adlı
smartfonlardan ibarətdir. Nokia 2 də onların sırasına daxil oldu. Qeyd etmək
lazımdır ki, bu model ucuz seqment üçün nəzərdə tutulub. Nokia 2-nin əsas özıəlliyi
isə uzun müddətli enerji saxlama xüsusiyyətidir. Şirkətin məlumatına əsasən
yeni smartfon 2 gün ərzində tamamilə şarj olunmadan çalışa bilir.
Texniki göstəricilərinə
gəldikdə isə Nokia 2 Corning Gorilla Glass qoruyucu şüşə ilə örtülmüş 5 inç HD
ekran, Snapdragon 212 prosessoru, 1 GB RAM, 8 GB daxili yaddaş (microSD dəstəkli),
8 MP-lik arxa, 5 MP-lik ön kamera və 4100 mAh enerji tutumlu batareya ilə təchiz
olunub. Nokia 2 Android 7.0 Nougat əməliyyat sistemi vasitəsilə çalışır. Nokia
2 99 avro qiymətinə satılacaq bir çox Avropa ölkələrində gələn ilin birinci
yarısında satışa çıxacaq.
Bənzər xəbərlər
Şərhlər
Şərh yazmaq üçün Google və ya Facebook hesabınızla daxil olun.
Şərhlər yüklənir...
