ASUS şirkəti Çində ROG Iceblade 7 adlı oyun noutbukunun satışlarına start verib. Digər regionlarda bu noutbuk ROG Zephyrus Duo 16 (2023) GX650 adı ilə tanınır. Sözügedən oyun noutbuku hal hazırda bazarda olan ən flaqman texniki parametrlər ilə təchiz olunub. Bu isə öz növbəsində onun satış qiymətinə təsir göstərib. Beləliklə ROG Iceblade 7 noutbuku özündə iki ədəd ekranı birləşdirir. Onlardan biri 240 Hz-lik təsvir yenilənməsinə sahib 2560x1600 piksel keyfiyyətli 16 düym əsas mini-LED ekran, digəri isə 3840x1100 piksel keyfiyyətli 14 düym köməkçi IPS ekrandır.

Bənzər xəbər

Facebook, ABŞ-da yemək sifarişi və tədbir bileti satışlarına vasitəçi olmağa başladı

    İkinci ekran klaviaturanın yuxarı hissəsində yerləşir. Noutbuk həmçinin özündə Dolby Atmos dəstəkli 6 ədəd səsgücləndiricini də birləşdirir. Texniki özəlliklər baxımından ROG Iceblade 7 noutbuku 5.4 GHz tezlikdə çalışan 16 nüvəli AMD Ryzen 9 7945HX prosessoru və NVIDIA GeForce RTX 4090 videokartı ilə təchiz olunub. Noutbuk 64 GB-a kimi DDR5-480 standartlı RAM yaddaşını və hər biri 2 TB olmaqla 2 ədəd SSD-ni (PCle 4.0 NVMe M.2) dəstəkləyir. Noutbukun 32 GB RAM-a və 1 TB SSD-yə sahib versiyası 4362$-a, 64 GB RAM-a və 4 TB SSD-yə sahib versiyası isə 7999$-a satılır.