ASUS ROG Swift OLED PG34WCDM adlı yeni gaming monitor təqdim edilib

    ASUS şirkəti özünün ROG brendi altında yeni gaming monitorunu təqdim edib. Təqdim edilmiş yeni gaming monitoru ASUS ROG Swift OLED PG34WCDM adını əldə edib. Beləliklə ASUS-un yeni gaming monitoru 240 Hz-lik təsvir yenilənməsinə sahib 3440x1440 piksel keyfiyyətli 34 düym OLED ekran ilə təchiz olunub. Ekran əyilmiş dizaynda reallaşdırılıb və onun maksimal parlaqlıq səviyyəsi 1300 nit təşkil edir. Ekran üstəlik NVIDIA G-SYNC texnologiyasının dəstəyinə sahibdir.

    ASUS ROG Swift OLED PG34WCDM özündə DisplayPort 1.4, HDMI 2.1, USB 3.2 Type-A və USB Type-C girişlərini birləşdirir. Monitorda olan USB Type-C girişi həmçinin Power Delivery protokolunu dəstəkləyir və onun gücü 90 vatt təşkil edir. Bu isə o deməkdir ki, monitorun USB Type-C girişini digər cihazların şarjı üçün istifadə etmək olacaq. ASUS ROG Swift OLED PG34WCDM-ın satışlarına gələn il start veriləcək. Onun hansı qiymətə satılacağı barəsində məlumat isə daha sonra təqdim ediləcək.