Artıq məlumdur ki, Apple şirkəti gələn ildən öz məhsullarının Avropa Birliyi regionunda satılmaları üçün onları məcbur şəkildə USB Type-C girişi ilə təchiz etməli olacaq. Son məlumat sızıntılarına əsasən şirkət artıq bu ilki iPhone 15 smartfonlarında Lightning girişi əvəzinə USB Type-C girişini reallaşdıracaq. Lakin bununla belə şirkət orijinal olmayan USB Type-C naqillərinin istifadəsini məhdudlaşdıracaq. Verilmiş yeni məlumata əsasən şirkət bu üsuldan şarj sürətinin məhdudlaşdırılmasında istifadə edə bilməyəcək. Avropa Bliryinin USB Type-C ilə bağlı rəsmi qərarından sonra şirkət iPhone-larda Lightning girişinin məhz USB Type-C ilə əvəzlənməsi üzərində çalışmağa başladı.

    Avropa Birliyinin bu qərarı cihazlardan istifadə rahatlığının və elektron tullantıların miqdarını aşağı salınmasının təmin olunmsına istiqamətlənib. Lakin Apple şirkətinin orijinal olmayan naqillərdə şarj sürətini məhdudlaşdırmaq imkanı Avropa Birliyinin qanununu mənasız hala gətirə bilər. Bu halda istifadəçilər əvvəlki kimi xüsusi şarj naqili almalı olacaqlar. Verilmiş yeni məlumata əsasən Avropa Birliyi tərəfindən qəbul edilmiş qanun layihəsinin mətnində istehlakçıların şarj sürətinin məhdudlaşdırılması hallarından qorunması bəndi mövcuddur. Həmin bənd mütləq şəkildə USB Type-C girişi ilə yanaşı həmçinin cərəyan gərginliyinin 5 vatt-dan və cərəyan gücünün 3 A-dan yüksək olmadığı halda USB Power Delivery adlı sürətli şarj standartından istifadəni də təyin edir.

    Faktiki olaraq bu bənd Apple şirkətinə şarj sürətinin məhdudlaşdırılmasını qadağan edir. Lakin məlumatda qeyd edilib ki, Apple şirkəti istifadəçiləri orijinal şarj naqillərini almalarına məcbur edəcək bir üsulu mövcuddur. Belə ki, Avropa Birliyinin qanun layihəsində USB Type-C üzərindən məlumatların ötürülməsi funksiyasının məhdudlaşdırılmasına qadağa üzrə heç bir bənd yoxdur. Apple potensial olaraq bu imkandan faydalanaraq məlumatların ehtiyat kopyalarının köçürülməsi və iPhone-ların kompüterlərlə sinxronlaşdırılması prosesini yalnız sertifikatlaşdırılmış naqillər üçün aktivləşdirə bilər.