Avtomatlaşdırılmış sistem ilk öncə kimləri işsiz qoyacaq? (STATİSTİKA)
Elm & Texnologiya
22.05.2017
Farid Pardashunas
Son 2 il ərzində ABŞ-da bir sıra ticarət şəbəkələri
bağlandı. Hətta “Macy’s” kimi böyük şirkətlər belə, yaxşı günlər yaşamırlar.
Kassirləri avtomatlaşdırılmış terminallar əvəz edir, zal əməkdaşlarının işlərini
isə robotlar yerinə yetirirlər. ABŞ-da 6-7.5 milyon satıcının işsiz qalma riski
var. Bu risk altında isə ən çox duranlar qadınlar və əyalət sakinləridir. Bu
cür nəticəyə “Cornerstone Capital Group” şirkətinin pərakəndə ticarət bazarının
gələcəyi üzrə hesabatının müəllifləri gəliblər. Offline ticarət sahəsi
yavaş-yavaş öz çöküşünü yaşayır. Böyük ticarət mərkəzlərində demək olar ki,
alıcılar yoxdur. İşçiləri avtomatlaşdırılmış sistemlər əvəz edir. İnsanların
çox hissəsi isə məhsulları internet vasitəsilə almağı üstün tutur. Ümumdünya
İqtisadiyyat Forumunun məlumatlarına əsasən növbəti 10 ilərzində ABŞ-ın pərakəndə
mağazalarının 15%-ni bağlanma təhlükəsi gözləyir. Bununla belə ticarət sahəsindəki
əmək məhsuldarlığı artıq neçə illərdir ki, dəyişməz olaraq qalır. Əmək
bazarında işçi qüvvəsinə olan tələbat artır. Bu isə öz növbəsində minimal əmək
haqqının böyüməsinə gətirib çıxardır. “Bir çox şirkətlər texnologiyanın yüksək
inkaşı dövründə bu cür problemləri həll etməli olurlar” – deyə “Cornerstone
Capital” şirkətinin tədqiqat şöbəsinin rəhbəri John Wilson bildirib. “Cornerstone
Capital” şirkətinin analitikləri avtomatlaşdırmanın pərakəndə ticarətə necə təsir
edəcəyini araşdırıblar. Bunun üçün onlar Oksford Universitetinin mütəxəssislərinin
proqnozlarından və ABŞ-ın Əmək Statistikası Bürosunun məlumatlarından istifadə
ediblər.
Bundan əlavə olaraq hesabatın müəllifləri Ümumdünya İqtisadi
Forumun məlumatlarını da incələyiblər. Həmin məlumatlara əsasən pərakəndə satış
ilə məşğul olan mağazalarda icra olunan əməliyyatların 30-50%-ni
avtomatlaşdırmaq mümkündür. ABŞ-ın ticarət sahəsində ölkənin ümumi əmək qüvvəsinin
10%-i çalışır. Bu isə 16 milyon işçi deməkdir. Sözügedən sahəyə yeni
texnologiyaların inteqrasiyası sayəsində onlardan 6-7.5 milyon insan işsiz qala
bilər. Avtomatlaşdırmanın ilk qurbanları qadınlar olacaq. Belə ki, qadınlar ölkənin
bütün kassirlərinin 74%-ni təşkil edir. Həmçinin Oksford Universitetinin mütəxəssislərinin
proqnozlarına əsasən kassirlərin əmək qüvvəsinin avtomatlaşdırma mümkünlüyü 97%
təşkil edir. Onların yerinə avtomatlaşdırılmış terminallar və ya Amazon Go kimi
avtomatlaşdırılmış mağazalar gələcək. Günümüzdə alıcılar məhsul haqqında məlumatları
daha çox internetdə axtarırlar. Beləliklə satıcı-konsultant tələbatı getdikcə
aşağı düşür. Hesabata əsasən avtomatlaşdırma sistemi ilk öncə işsizlik səviyyəsinin
böyük olduğu regionlara təsir edəcək. WalMart kimi böyük ticarət şəbəkələri,
500.000 sakindən aşağı olan şəhərlərdə daha çox bazar payına sahibdirlər. Əgər
bu cür ərazilərdə avtomatlaşdırma sistemi işə düşsə, onda minlərlə insan işsiz
qalacaq. Analitiklər böyük şirkətlərə, öz ticarət nöqtələrini
avtomatlaşdırmamışdan öncə düşünmələrini məsləhət görürlər. Mağazaya getmək,
maraqlı təcrübə və əyləncə verə bilər. Bunun üçün isə texnologiyalara və işçi
qüvvəsinə investisiya yatırmaq lazım olacaq. Tədqiqata əsasən ABŞ-ın 30 ticarət
şirkəti arasında aparılmış sorğu nəticəsində məlum olub ki, onlardan çoxu öz
ticarət nöqtələrində avtomatlaşdırılmış sistemin quraşdırılmasında
maraqlıdırlar. Bir çoxları isə “Amazon” şirkətinin təcrübəsindən yararlanaraq
online ticarətə üz tutur. Alıcılar da tez-tez alış-verişi internet üzərindən
reallaşdırırlar. Aparılmış sorğulara əsasən həmin alıcıları mağazalarda olan
insan çoxluğu, kassalardakı uzun sıralar və rəflərdə məhsul çatışmamazlığı
qorxudur. Avtomatlaşdırılmış ticarət nöqtələri artıq bütün dünyada yayılmağa
başlayıb.
Linki kopyala
Bənzər xəbərlər
Oxşar xəbərlər
Həftənin xəbərləri
Huawei Pura 70 və Pura 70 Pro təqdim olunublar - QİYMƏTİ
WhatsApp-da AirDrop analoqu istifadəyə veriləcək