BeeFree Agro startapı mal-qaranın otarılması və idarə olunması üçün dronların istifadəsinə start verib

     İsrailin BeeFree Agro startapı mal-qaranın otarılması və idarə olunması üçün nəzərdə tutulmuş avtonom uçan dronların istifadəsinə başlayıb. Şirkətin qurucusu Noam Azran bir neçə il boyunca at belində rançolarda mal-qaraya nəzarət edib. Daha sonra bu işi insan səviyyəsində yerinə yetirə bilən avtonom sistemlərin hazırlanmasına qərar verib. Startap artıq ilk partiya avtonom dronları sifarişçiyə təhvil verib. Bu dronlar iri bir sürünün idarə olunmasını təmin edəcək. Azran bu texnologiyanın perspektivli olduğuna əmindir. 

     "Mən təsəvvür edə bilmirəm ki, 10 ildən sonra kommersiya heyvandarlığı ilə məşğul olanlar bu sistemi istifadə etməsin" - deyə BeeFree Agro-nun qurucusu bildirib. Şirkət dronların ideal çoban ola biləcəyinə əmindir. Onlar yorulmur, xəstələnmir, maaş artımı tələb etmir və 24 saat fasiləsiz işləyə bilirlər. Bundan əlavə, sistem tamamilə avtonomdur və insanın daim nəzarət etməsinə ehtiyac olmadan fəaliyyət göstərə bilər. İnkişafın əsasını adi uçan dronlar təşkil edir, lakin onlara çoban funksiyasını qazandıran xüsusi proqram təminatıdır.

     Startap hər bir inəyi izləməyə və real vaxt rejimində bütün vacib məlumatları təqdim etməyə imkan verən süni zəka modeli hazırlayıb. Dron sisteminin ilk real sınaqları bu ilin yanvarında Braziliyada başlayıb. Hazırda sistem təxminən 3 milyon baş mal-qara üzərində nəzarət həyata keçirir. Dünyada əhali artdıqca, mal ətinə olan tələbatın da yüksələcəyi gözlənilir. Buna görə də, BeeFree Agro-nun bu innovativ həlli gələcəkdə çox tələb olunan bir texnologiyaya çevrilə bilər. Azra-nın sözlərinə görə, onun şirkəti artıq dünyanın ən iri ət emalı şirkətləri ilə əməkdaşlıq edir.

Mənbə: Israel21c

Bənzər xəbərlər

Elm & Texnologiya

4 aya Marsa uçmaq: Raketlər üçün termonüvə mühərriki təqdim edilib (VİDEO)

Böyük Britaniyanın Pulsar Fusion şirkəti nüvə mühərriki ilə işləyən raketini təqdim edib. Bu mühərrik termonüvə sintezi texnologiyasına əsaslanır. Yeni raket Marsa uçuş müddətini iki dəfə azalda və Günəş sisteminin kənarlarına daha sürətli çatmaq imkanını yarada bilər.

Elm & Texnologiya

Tesla və BYD-nin batareyaları müqayisə edilib

Almaniyanın Aaxen şəhərində yerləşən RWTH Aachen Texniki Universitetinin tədqiqatçıları Tesla 4680 və BYD Blade batareyalarını hissələrə ayıraraq onları müqayisə ediblər.

Elm & Texnologiya

İnsanabənzər Atlas robotu Hyundai şirkətinin zavodunda işə başlayıb

Təxminən 1 il əvvəl Boston Dynamics şirkəti tam elektriklə işləyən Atlas robotunu təqdim etdi. Bu yeni model, hidravlik sistemli əvvəlki Atlas modelindən daha sürətli, güclü və çevik oldu. 1 il ərzində aparılmış təcrübələr və təlimlər nəticəsində şirkət Atlas üçün ən uyğun iş sahələrindən birini müəyyənləşdirdi.

Elm & Texnologiya

Çində insanlar və robotlar üçün marafon keçiriləcək

Pekində unikal bir yarımarafon keçiriləcək. İnsanlar və humanoid (insanabənzər) robotlar birlikdə 21 km məsafəni qətt edəcəklər. Yarış 13 aprel 2025-ci ildə Beijing E-Town xüsusi iqtisadi zonasında baş tutacaq.

Elm & Texnologiya

Çində insanabənzər robot ictimai aşayişə nəzarət edir

Çinin Şençjen şəhərində PM01 adlı humanoid (insanabənzər) robotları polis əməkdaşları ilə birlikdə küçələri patrul etməyə başlayıblar.