Beyin implantı dünyada ilk dəfə bir qadın pasienti depressiyadan müalicə edib (VİDEO)

Beyin implantı dünyada ilk dəfə bir qadın pasienti depressiyadan müalicə edib (VİDEO)

Texnologiya
06.10.2021 PAYLAŞIM

    Depressiya fasiləsiz davam edən vəziyyətə çevrilə bilər. Bütün dünyadan olan mütəxəssislər depressiyanın müalicə olunması üzrə daima müxtəlif üsullar üzərində çalışırlar. Onlardan biri xüsusi beyin implantıdır. Belə ki, yaradılmış yeni beyin implantı davamlı depressiyanın müalicə olunması üçün nəzərdə tutulub. Depressiyadan əziyyət çəkən insanların ümumilikdə 1/3 hissəsi müalicələrə reaksiya vermir və ya ona qarşı dayanıqlı olur. Heç bir dərman preparatı və ya terapiya üsulu bu şəxslərə kömək etmir. Depressiyaya qarşı müalicələrə bu cür müqavimət özəlliyinə sahib insanların gələcəkləri qaranlıq ola bilər. Lakin ağır depressiyadan əziyyət çəkən Sarah adlı 36 yaşlı pasient San-Fransisko Kaliforniya Universitetinin (UCSF) tədqiqatçıları tərəfindən aparılmış tədqiqatda iştirak edib.


    Layihənin əsas məqsədi beynin dərin stimulyasiya üsullarının araşdırılmasıdır. Potensial olaraq bu üsullar depressiya simptomlarını yumşalda bilərlər. Tədqiqat çərçivəsində mütəxəssislər NeuroPace adlı beyin implantını Sarah-nın beyninə yeridiblər. Bu beyin implantı depressiyaya işarə edən beyin aktivliyini təyin edir və beynin müəyyən sahələrinə elektrik impulslarını ötürür. Qeyd etmək lazımdır ki, sözügedən tədqiqatda yalnız Sarah iştirak edib. O, uşaqlıqdan ağır depressiyadan əziyyət çəkir. Mütəxəssislər depressiyaya işarə edən beyin dalğalarının patternini (nümunə) təyin ediblər.

    Nəticədə beyin implantı həmin patternin ortaya çıxması halında işə düşür. Mütəxəssislərin sözlərinə əsasən bu üsul uğurlu olmaqla yanaşı 4-8 həftədən sonra nəticə göstərən digər müalicə üsullarından fərqli olaraq tez bir zamanda müsbət göstəricilər əldə edib. Hal hazırda mütəxəssislər bu beyin implantının pasientə nə qədər müddət ərzində lazım olacağını söyləyə bilmirlər. Mütəxəssislər tədqiqat çərçivəsində beyin zəncirlərinin dəyişib-dəyişmədiklərini, dəyişdikləri halda bunun necə baş verdiyini və pasientin psixoloji simptomlarını müşahidə edəcəklər.

Qeyd: Şərhlərdə nalayiq ifadələr işlətmək, reklam xarakterli mətn paylaşmaq qadağandır.

Şərh yoxdur

Şərh yazmaq üçün daxil olun


DAHA ÇOX


HTC şirkəti Vive Flow adlı yeni avtonom VR cihazı təqdim edib - QİYMƏTİ

HTC şirkəti Vive Flow adlı yeni avtonom VR (virtual reallıq) cihazı təqdim edib.


Apple bədən temperaturunu ölçə biləcək yeni nəsil AirPods üzərində çalışır..

The Wall Street Journal-ın verdiyi məlumata əsasən Apple şirkəti yeni model naqilsiz qulaqlıqlar üzə..


İnsayderlər: Apple özünün Nintendo Switch analoqu üzərində çalışır

İnsayderlərin verdikləri məlumata əsasən Apple şirkəti oyun sənayesinə daxil olmağa hazırlaşır...


Blue Origin şirkəti yeni kosmik turistlərin iştirakı ilə növbəti uçuş missiyasın..

Jeff Bezos-un Blue Origin şirkəti New Shepard adlı suborbital kosmik gəmisinin 5-ci uğurlu uçuş miss..


Steve Wozniak-ın Privateer Space adlı kosmik şirkətinin nə ilə məşğul olacağı mə..

Apple şirkətinin yaradıcılarından biri olan Steve Wozniak sentyabr ayında Privateer Space adlı kosmi..


Apple şirkəti yeni təqdimat tədbirini elan edib

Yeni təqdimat tədbiri “Unleashed” sloqanı altında keçiriləcək.

×