Bir ədəd iPhone X hansı qiymətə istehsal olunur?
Elm & Texnologiya
07.11.2017
Emil Nəcəfov
TechInsights adlı sayt “Apple” şirkətinin yeni flaqman modeli olan iPhone X-in komponentlərinin qiymətlərini və nəyə görə bu modelin satışlarından əldə olunacaq ümumi mənfəətin iPhone 8-in satışlarından daha çox olacağını öyrənməyə çalışıb.
3 Noyabr tarixində satışa çıxmış
iPhone X “Apple” şirkətinin indiyənə kimi təqdim etdiyi modellər arasında ən
bahalısı oldu. Vergiləri nəzərə almasaq, onun pərakəndə satış qiyməti 999$-dan
başlayır. Reuters agentliyi iPhone X-in istehsalını 357.50$ dəyərində qiymətləndirir.
Beləliklə şirkətin satdığı hər bir iPhone X-dən əldə etdiyi ümumi mənfəət 64% təşkil
edir. 699$-a satılan iPhone 8-dən əldə olunan ümumi mənfəət isə 59% təşkil
edir.
iPhone X-ə hissələrə ayrılmış vəziyyətdə baxdıqda, onun detallarının qiymətlərini
öyrənmək olar. Bütün detallar arasında ən bahalısı 5.8 inç-lik OLED ekrandır. Belə
ki, şirkət topdan satış zamanı bir ekran üçün 65.50$ ödəyir. iPhone 8-in 4.7
inç-lik maye kristallik ekranı isə 36$-a başa gəlir. Smartfonun paslanmaz poladdan
hazırlanan korpus çərçivələri isə 36$ təşkil edir. Müqayisə üçün iPhoen 8-in
alüminium korpusu 21.50$-dır.
Linki kopyala
Həftənin xəbərləri
Whatsapp yaxın zamanda 2 yeni funksiyanı əldə edəcək
Qutusu açılmamış birinci nəsil iPhone modeli 15 Pro Max-dan təxminən 80 qat baha qiymətə satılıb!