
Bitcoin dəlisovluğu davam edir. 1 həftə ərzində Coinbase servisində 300.000 yeni bitcoin portmanatı açılıb
Elm & Texnologiya
29.11.2017
Kriptovalyutanın saxlanması, ticarəti və mübadiləsi servisi olan Coinbase-in ümumi istifadəçi sayı 13.3 milyona çatıb.
Bir həftə ərzində bu servisdə
300.000 yeni istifadəçi qeydiyyatdan keçib. Bu barədə CNBC saytı xəbər verib. Bu,
son zamanlarda bitcoinin qiymətinin qalxması ilə əlaqəlidir. Bitcoinin qiyməti
artıq 10.000$-ı keçib. Görünür, Coinbase servisinə daha çox insanın gəlməsi nəticəsində
bitcoinin qiyməti getdikcə daha da yüksələcək. Coinbase dünyanın ən məşhur
fintech şirkətlərindən biridir. Onun kapitalizasiyası 1 milyard dolları keçib.
Şirkətin saytındakı məlumata görə o artıq 50 milyard dollar dəyərində
kriptovalyuta əməliyyatı reallaşdırıb. Müqayisə üçün qeyd etmək lazımdır ki,
bitcoinin kapitalizasiyası 160 milyard dollar təşkil edir. Kriptovalyuta
bazarındakı vəziyyət bu servisə sərf edir. Hələ Oktyabr ayının sonunda servisdə
11.7 milyon insan qeydiyyatdan keçmişdi. İndi isə 1.5 milyon insan daha
qeydiyyatdan keçib. 1 il ərzində servisin istifadəçi bazası 147% artıb. Çox
güman ki, bu, bitcoinin qiymətinin sürətlə yüksəlməsi ilə bağlıdır. 1 həftə bəs
etdi ki, bu kriptovalyuta öz dəyərini 2000$ artırsın. Həmin müddət ərzində isə
Coinbase-də 300.000 yeni bitcoin portmanatı açılıb.
Bənzər xəbərlər
Şərhlər
Şərh yazmaq üçün Google və ya Facebook hesabınızla daxil olun.
Şərhlər yüklənir...
Ən çox oxunanlar