'Bitcoinin əsl dəyəri sıfıra bərabərdir'
Elm & Texnologiya
25.12.2017
Farid Pardashunas
Coinmarketcap-ın məlumatlarına əsasən hal hazırda bir bitcoinin qiyməti 14.000$ təşkil edir.
Lakin “Morgan Stanley” şirkətinin
mütəxəssisi James Fawcett-in fikrincə bitcoinin real dəyəri sıfıra bərabər ola
bilər. Bu barədə Business Insider saytı xəbər verib. Fawcett-in “Bitcoin
Decrypted” başlıqlı hesabatında bitcoinin real dəyəri barəsində dəqiq bir rəqəm
göstərilməsə də, hesabatın “Bitcoinin dəyərinin təyin olunması cəhdi” bölməsində
onun kriptovalyuta barəsində fikirlərini əks edən məlumatlar və bitcoinin real
dəyərinin təyin edilməsinin niyə belə çətin olduğu qeyd olunub. İlk öncə o,
bitcoini real valyuta hesab edib-etməmək üzrə fikirlərini bildirib.
Mütəxəssis
nəticəyə gəlib ki, bitcoinə olan faiz dərəcəsinin olmaması səbəbindən o, dollar
və avro kimi real valyuta ola bilmir. Fawcett qeyd edib ki, bitcoin daha çox
qızıl kimi dəyərli metala bənzəyir. Lakin qızıldan fərqli olaraq o, real
dünyada real ekvivalentə sahib deyil. Qızıl zərgərlik işlərində və
elektronikada istifadə olunduğu bir vaxtda bitcoin sadəcə olaraq rəqəmsal şəkildə
mövcuddur. Mütəxəssis qeyd edib ki, kriptovalyutanın dəyəri ona görə yaranır
ki, investorlar ona həmin dəyəri yeridirlər. Bitcoinin əsas dəyəri kimi o, ödəmə
platformalarını qeyd edib.
O həmçinin onun faydalığına olan bəzi məhdudların da
olduğunu bildirib. Bu cür məhdudların arasında tranzaksiyaya görə komissiyanın
olmaması və prosesin irimiqyaslı olmasının çətinliyi var. Hal hazırda ödəmə
platforması kimi bitcoin yalnız bir neçə şirkət tərəfindən qəbul olunur. Fawcett-in
təqdim ediyi qrafikdə görmək olar ki, bu göstərici o qədər də böyük deyil və
getdikcə azalır.
“Əgər heç kim bu texnologiyanı ödəmə sistemi kimi qəbul etməsə, onun real dəyəri sıfıra bərabərdir” – Fawcett bildirib.
Təbii ki, bitcoinin dəyərini
inkar etmək olmaz. Onu istənilən an satıb əvəzində dollar qazanmaq olar. Lakin Fawcett-in
cavab tapmaq istədiyi sual ondan ibarətdir ki, bitcoin daxili dəyərə sahibdirmi?
Həqiqətən də bitcoinin bir dəyəri varmı və ya onun dəyəri süni şəkildə
qaldırılmış hesab olunur?
Linki kopyala
Bənzər xəbərlər
Oxşar xəbərlər
Həftənin xəbərləri
WhatsApp-da AirDrop analoqu istifadəyə veriləcək
Xiaomi 14 seriyasına süni intellekt əlavə ediləcək!