Faktiki olaraq kompüter oyunu hesab edilən CriptoKitties gözlənilməz qaydalara sahibdir və həmin oyunda asanlıqla külli miqdarda pul itirmək olar. Lakin bununla yanaşı həmin oyun vasitəsilə real maliyyə dünyasından daha çox pul qazanmaq mümkündür. Kriptopişikləri, efirləri və bitcoinləri real pula çevirmək heç də asan iş deyil. The Verge saytının jurnalisti 30 yaşlı Todd adlı şəxs ilə əlaqə yaradıb. O, prorqm təminatı proqramçısı kimi çalışır və Texas ştatının Ostin şəhərində yaşayır. Todd, Ethereum blockchain platformasında çalışan CryptoKitties oyununa Noyabr ayının sonunda pul yatırmış və indi o, onun təqaüd hesabındakı gəliri qat-qat üstələyən vəsait qazanaraq kriptovalyuta dünyasından getməyə çalışır. Şəxsin adının əslində Todd olmaması onu göstərir ki, kriptovalyuta reallığına daxil olmağın nə dərəcədə risklidir.

Todd öz gəlir mənbəyinin təfərrüatlarını söykləmək baxımından onun anonimliyinin qorunub saxlanmasını xahiş edib. Belə ki, əks halda ABŞ-ın Vergi İdarəsi onun barəsində maraqlana bilər. Bundan əlavə olaraq jurnalist ondan müsahibə götürən zaman CryptoKitties layihəsinin saytı sıradan çıxmışdır. Bu cür hadisələr həmin saytla mütəmadi baş verir. Kriptopişiklərin məşhurluğu Ethereum platformasının bütün işini 11% yubadır. Bundan əlavə olaraq oyunda çatbotlar da fəaliyyət göstərir. Onlar öz növbəsində pişiklərin alış və satış müqavilələrini pozmağa çalışırlar. Oyunun məğzi çox sadədir. Siz virtual pişik alıb ona qulluq edirsiniz və istədiyiniz vaxt onu satışa çıxara bilərsiniz. Satışa çıxardığınız pişik həmin vaxtda məşhurdursa siz buna görə yaxşı pul qazana bilərsiniz. Pul vəsaitləri isə efir kriptovalyutası vasitəsilə verilir. Bundan əlavə olaraq iki baza pişiyi alan zaman onları cütləşdirib yeni pişiklər əldə etmək olar. Bu zaman əldə olunmuş hər bir yeni pişik təkcə öz xarici görünüşü ilə fərqlənmir. Həmçinin hər bir yeni pişik öz unikal koduna və Ethereum blockchainində öz dəyişilməz qeydinə sahib olur.

Lakin bu oyunda hər şey yalnız nəzəri cəhətdən yaxşı gedir. Belə ki, saytda olduğu ilk günündə Todd səhvən 0.7 efirə pişik alıb. Halbuki onun qiyməti 0.03 efir təşkil edirdi. Buna baxmayaraq onun bəxti gətirirdi. Todd-un sözlərinə əsasən kriptopişiklər sayəsində pul qazanmaq şansına sahib olmaq üçün minimum olaraq 5 efirdən (3500$) başlamaq lazımdır. Todd-un əsl uğuru 12 efirə (alış zamanı 4800$, indi isə 8400$) reytinqli pişiyi alan zaman oldu. Nəticədə həmin pişiyin qiyməti 30 efirə kimi qalxdı. Ümumi olaraq Todd kriptopişiklərə 30 efir (hal hazırda kriptovalyutanın qiyməti 700$ civarında təşkil edir) xərcləyib. O, 35 ədəd kriptopişik alıb və hal hazırda onları satmağa çalışır. 1 aydan az bir vaxtda əldə olunmuş gəlir (tranzaksiyalara olan vergini nəzərə almasaq) 42.000$-dan çox olub. Lakin bu nəzərə cəhətdən belədir.

Todd-da qalan 18 kriptopişik isə satılmır. Belə ki, şəbəkə qeyri-stabildir və pişiklərin listinqini (hər bir real birjada rəsmi aktivlərin satışa çıxarıldığı kimi pişiklərin də satışa çıxarılması) reallaşdırmaq çox zaman mümkün olmur. Kriptopişiklər cəmiyyətində çoxları hətta şübhə edir ki, bu oyun hələ də gəlir gətirmək potensialına sahibdir. Ən əsası odur ki, Todd kriptopişiklər sayəsində əldə etdiyi efirləri real pullara çevirərək onları kriptovalyuta dünyasından offline-a çıxarda bilib-bilməməsi barədə məlumat verməyib. “Pişik kriptovalyuta tokeninin yeni bir formasıdır. Faktiki olaraq bu, yeni altcoindir. Mən sadəcə olaraq bu qədər pulu CryptoKitties-də saxlamaq istəmirəm” – deyə Todd bildirib. Beləliklə o demək istəyir ki, hal hazırda şəbəkə stabil olmadığından kriptopişikləri sataraq onlara görə efir əldə etmək çox çətindir.