Blockchain startapların 90%-i cəmi 1 il fəaliyyət göstərirlər
Elm & Texnologiya
12.11.2017
Farid Pardashunas
“Deloitte” şirkətinin hesabatlarına əsasən 2016-cı ildə blockchain texnologiyası əsasında 26.000-dən çox layihəyə start verilib.
Lakin The Next Web saytının
verdiyi xəbərə əsasən onlardan yalnız 8%-i aktiv şəkildədir. Böyük konsaltinq
şirkəti olan “Deloitte”nin “Blockchain texnologiyalarının təkamülü” adlı
hesabatında bildirilib ki, tərtibatçılar üçün olan məşhur GitHub platformasında
blockchain əsaslı 26.000-dən çox layihəyə start verilib. Sözügedən
texnologiyanın var olmasından bəri bu cür göstərici rekord hesab edilir.
Müqayisə üçün qeyd etmək lazımdır ki, 2015-ci ildə bu texnologiya əsasında
qurulmuş layihələrin sayı 15.000 idi. Lakin 2016-cı ilin birinci yarısında
GitHub platformasında 25.000-ə yaxın layihə qeyd olunmuşdu. “Deloitte”nin
verdiyi məlumata əsasən nəticə etibarilə həmin layihələrin 92%-i yenilənmir.
“Açıq koda sahib olan layihələrin sərt reallığı ondan ibarətdir ki, onlar heç 1 il də tam şəkildə fəaliyyət göstərmirlər. Blockchain layihələr də istisna deyil. Onlardan sadəcə 8%-ni aktiv hesab edə bilərik. Onlar həmin layihələrdi ki, son 6 ayda 1 dəfə də olsun yeniləniblər” – deyə şirkətin hesabatında qeyd olunub.
Hesabatda həmçinin bildirilib ki, Bitcoin və Go Ethereum kimi
blockchain üzrə fəaliyyət göstərən təşkilatlar istisna hesab edilir. Belə ki,
onların layihələri digərlərindən fərqli olaraq aktiv şəkildə qalırlar.
Linki kopyala
Bənzər xəbərlər
Oxşar xəbərlər
Həftənin xəbərləri
