Apple şirkətinin əməliyyatlar üzrə direktoru Jeff Williams şirkətin CEO-su vəzifəsində Tim Cook-u əvəz edə bilər. Bu cür ehtimalı Bloomberg saytının jurnalisti Mark Gurman irəli sürüb. Bu barədə Macdigger saytı xəbər verib. Jurnalistin fikrincə Jeff Williams Apple şirkətində vacibliyinə görə ikinci şəxsdir və Tim Cook-un vəzifəsinə əsas namizəddir. Şirkət daxilində çalışdığı illər ərzində Jeff Williams özünü sadə, intizamlı və tələbkar lider kimi sərgiləyib.. Bu baxımdan o, Steve Jobs-dan daha çox elə Tim Cook-un özünə bənzəyir.

    Öz növbəsində Jeff Williams Apple şirkətinin bütün əməliyyat məhsullarının hazırlanmasına rəhbərlik edir. O, şirkət şöbələrinin inkişaf səviyyələrini qiymətləndirmək üçün hər həftə görüşlər keçirdir. Bloomberg-in jurnalisti qeyd edib ki, şirkətin baş dizayneri Jony Ive-ın yaxın zamanda şirkətdən ayrılacağı və şirkətin idarəetməsinin digər şəxsə ötürülməsi ehtimalı şirkətə mənfi təsir göstərə bilər. Analitiklər düşünürlər ki, Jeff Williams da Tim Cook kimi əməliyyatlar sahəsindən gələn gəlirə fokuslanır. Apple şirkətinə isə ikinci Steve Jobs lazımdır. Bloomberg saytının ehtimallarına baxmayaraq yaxın zamanda Tim Cook-un öz vəzifəsindən ayrılacağına dair heç bir işarə yoxdur.