Blue Origin şirkəti kosmik turistlər üçün olan sərnişin kapsulunun interyerini təqdim etdi (VİDEO)

    Jeff Bezos-un Blue Origin şirkəti kosmik turistlər üçün nəzərdə tutulmuş sərnişin kapsulunun interyerini ilk dəfə təqdim edib. Bu barədə olan video şirkətin YouTube kanalında yayımlanıb. Bir neçə uçuş üçün nəzərdə tutulmuş sərnişin kapsulu 5 nəfərlik yerdən ibarətdir. Beləliklə kapsulun daxilində kreslolar, uçuş parametrlərinə nəzarət etmək üçün monitorlar və kosmosu seyr etmək üçün 4 ədəd illuminator var. Güman olunur ki, sərnişindən asılı olaraq New Shepard kosmik gəmisində bir kosmik uçuşun qiyməti 200.000-300.000$ təşkil edəcək. Kosmik turistlər üçün ilk uçuş biletlərinin satışlarına isə gələn il start veriləcək.