Sözügedən elektroskuter futuristik dizayna və ənənəvi cihaz panelinin əvəzinə proyektora sahibdir. BMW Concept Link ilk öncə şirkətin, gələcəyin skuter təsəvvürünü təqdim edir. Məhz buna görə də onun texniki göstəriciləri barəsində məlumat azdır. Bu skuter elektromühərrik ilə çalışacaq. Elektromühərrik isə öz növbəsində arxa təkərin ön hissəsində yerləşəcək. Korpusun aşağı hissəsində batareya, ondan aşağı hissədə isə lazımi əşyaların yerləşdirilməsi üçün yer mövcuddur. Həmin hissə, sürücünün əl toxunuşu vasitəsilə açılacaq. Bundan əlavə olaraq skuter, geriyə hərəkət etmək özəlliyini də sahibdir. Concept Link, ənənəvi cihaz panelindən məhrumdur. Onun yerinə sensorlu panel yerləşdirilmişdir. Skuterin funksiyalarından istifadə etmək üçün sükanda sensorlu düymələr mövcuddur. Qeyd etmək lazımdır ki, BMW Concept Link sadəcə olaraq bir konsept skuterdir. Yəni onun gələcəkdə satışa çıxıb-çıxmayacağı hələki bilinmir.