BMW şirkəti iX3 model elektrikli maşını təqdim etdi

BMW şirkəti iX3 adlı elektromobili təqdim edib. Yeni elektromobil şirkətin klassik X3 modeli əsasında hazırlanıb. BMW iX3 elektrikli krossoveri bir komponent əsasında hazırlanıb. Beləliklə elektromühərrik, transmissiya və digər detallar həmin komponentin daxilinə yerləşdirilib. Bu cür sistemi şirkətin istənilən avtomobil modelində tətbiq edərək bu və ya digər modeli elektrikli versiyaya çevirmək olar.

BMW iX3 270 at gücündə mühərrik ilə təchiz olunub və bir dəfə şarj olunmaqla avtomobil 400 km yol qətt edə bilir. Şirkət öz bütün avtomobil seriyalarına elektromühərrik əlavə etməyi planlaşdırır. Həmin avtomobillər öz adlarında “i” hərfinin olması ilə fərqlənəcəklər. Elektrikləşdirilmiş modellər həmçinin ön tərəfdən olan çərçivənin yeni duizaynını əldə edəcəklər. Qeyd etmək lazımdır ki, BMW iX3 Almaniyada deyil Çində istehsal olunacaq. Onun qiyməti və satışa çıxma tarixi barəsində isə hələki heç bir məlumat yoxdur.